#الفتي_الشرير
#الحلقة_ال32
#ميراث_الدم
______________
وقفنا اول ما شوفت الباشا وطلع اخر شخص ممكن اتوقعة
انا : اوعى تقولى يايوسف انك الباشا
يوسف : بس أيه رائيك انفع ولا لا
انا : طب ممكن تفهمنى واحده واحده وبهدوء علشان دماغى ماتلفش منك
يوسف : بص يا مهيب الموضوع طويل جدا ومن زمان اووووى من اول ماكان عمرك 5 سنين
أنا : موضوع ايه ده اللى قديم وبعدين ايه لازمة الالغاز اللى عملتها الفتره اللى فاتت دى واحنا اصلا شركاء وصحاب من زمان وانت معاك معظم اسرارى بالرغم من فرق السن الكبير اللى بينى وبينك ده انت تقريبا من سن ابويا
يوسف : كان لازم كده وخصوصا ان الشغل اللى بينى وبينك ده سر ومحدش يعرف عنه حاجه حتى ابوك اللى يعتبر الشركه بتاعة فرنسا بأسمه مايعرفش غير ان انا شريكم بالاداره وبجزء من رأس المال
انا : انا معاك فى اللى انت بتقوله بس احنا بنتكلم كتير مع بعض وبنراجع الشغل مع بعض ده غير الفلوس اللى فى البنوك بره مصر انت اللى بتحولهالى على مصر يعنى فى شغل كتير بينا .... ايه لازمة انك تبعتلى جاسر كل شويه .... اه وبمناسبة جاسر ايه حكاية الرجاله اللى انت بعتهالى علشان ينقذونى من رجالة مازن ابواليزيد هو انت بتراقبنى
يوسف : لازم اراقبك
انا : ليه يعنى
يوسف : بنفذ الوصيه
انا : وصية مين
يوسف : وصية جدك الله يرحمه
انا : هى وصية جدى انك تراقبنى
يوسف : لا جدك وصانى ان اول ما احس انك فى خطر احميك واساعدك
انا : والساعه اللى انت بعتهالى مع جاسر دى بتاعة جدى
يوسف : ده النص التانى من الوصيه
انا : انا مش فاهم حاجه من كلامك ده وحاسس انى بعرفك لاول مره .... حاسس انك مش يوسف اللى كان بيذاكرلى وانا صغير .... مش يوسف اللى انا مشاركه فى شغل كتير
يوسف : انا هفهمك كل حاجه من الاول بس ياريت تسمعنى للاخر وماتقاطعنيش والكلام اللى هقولهولك يفضل بينى وبينك ومايطلعش لاى حد حتى لو كان محمد ابن عمك لان دى وصية جدك
انا : انت عارفنى كويس ومش محتاج تاكد عليا وتاكد ان الكلام اللى هتقولهولى مش هيخرج لاى حد
يوسف : تمام كده بس استى شويه .... وشاور للجاردات كلهم يخرجوا بره ويسبونا لوحدنا .... وبعد كده بصلى وبدأ يتكلم
بص يا مهيب الحكايه قديمه جدا من اكتر من 30 سنه من يوم ما ابويا اتوفى وسابنا من غير اى فلوس ولا حاجه سابنى انا وامى واختى الصغيره ماحيلتناش حتى اللى يمشينا شهر واحد ... بعد الجنازه بكام يوم لقيت جدك داخل علينا البيت وقالنا كلمه واحد ماتشيلوش هم اى حاجه انتوا ملزومين منى وسابلنا فلوس ومشى وفضل على الحال ده كل شهر يجى ويسبلنا مصروف يكفينا الشهر ويفيض واتكفل بتعليمى وبجواز اختى وبعد ماخلصت كلية حقوق اتوسطلى عند اكبر محامى فى البلد علشان اشتغل عنده وبعدها بشويه لما حبيت افتح مكتبى فى الاقصر برضه ساعدنى وماسبنيش نهائى وكل حاجه بحتاجها كنت بكلمه على طول كنت بحس ان هو ابويا الل دايما واقف فى ضهرى ومش مخلينى محتاج اى حاجه ..... وفى يوم من أكتر من 15 سنه كنت قاعد فى مكتبى ودخل عليا جدك المكتب
أنت تقرأ
رواية ( الفتي الشرير ) كاملة
Misterio / Suspensoنتناسى لكننا لا ننسى، احيانا قد نتخلّى عن المحاسبة لكننا لا نسامح.هكذا هي طبيعة الانسان بكل ما فيه من جنون... الخيانة ،الغش ،الاخلاص ،الوفاء لكي نفهم كل انسان يجب علينا فهم ما يدور داخلة من الناحية النفسية، علينا ان نراجع كل الاسس التي تربي عليها كذ...
