#الفتي_الشرير
#الحلقة_ال18
___________
وقفنا الحلقة اللى فات على المشكله اللى حصلت وموضوع ابن خيرى النجار
الساعه 11 بالليل كنا راجعين الاوتيل واحنا فى الريسبشن لقيناه ماليان جاردات وظباط شرطه ولقيت خيرى النجار قاعد وجمبه ابنه قاعد وانا واقف فى الريسبشن واصحابى حواليا وهدير ماسكه فى ايدى
انا : كله يقف هنا محدش يجى معايا
هدير : انت هتعمل ايه
انا : سبينى اتصرف
اسامه : طب اجى انا معاك انا علاقتى كويسه بيه ماتنساش انه صاحب ابويا
انا : انا قولت كلمه واحده ومش هكررها
وسبتهم وروحت لخيرى النجار وقعدت على الكرسى اللى قدامه وحطيت رجل على رجل وكله مندهش
خيرى : انت بقى الجامد اللى ضربت ابنى
انا : لا مش انا دى بنت خالتى اللى ضربته خلته يقول على نفسه انه مره ... فجاه خيرى اتعصب وقام والكل باصص
خيرى : انا هوديك ورا الشمس انت وبنت خالتك
انا : خلى الناس اللى حوالينا تبعد ومعاهم ابنك علشان الكلام اللى هقولهولك ماينفعش اى حد يسمعه
خيرى : وانت هتقول ايه
انا : انا مستعد اقول الكلام قدام الكل بس انت اللى هتتاذى
خيرى بصوت عالى : كله يبعد من حواليا
وكل الرجاله بعدت بس باصين علينا من غير مايعرفوا يسمعوا حاجه من اللى بنقولها
خيرى : ايه الكلام اللى انت عاوز تقوله
انا : احنا مغلطناش فى ابنك ... ابنك هو اللى عاكس بنت خالتى .. واحنا الشرف عندنا غالى قوووى
خيرى : وبعدين
انا : وبعدين عاوزك تبص بصه على الورق ده .. وخرجت تليفونى وفتحته على صور ورق والورق ده عباره ورق بيفيد ان خيرى بياخد رشاوى علشان يسهل تهريب المخدرات والسلاح للبلد والورق ده عباره عن تحويلات بنكيه لبنوك بره مصر فى حساب خيرى
* فلاش باك الصبح لما سبت الجماعه وعملت تليفون
شغلت الخط اللى كلمت من ناصر اللى خلص موضوع الدكتور واتصلت بيه
ناصر : ازيك ياباشا
انا : انا تمام ياناصر ... عايزك فى موضوع
ناصر : انت تؤمر
انا : انت تعرف خيرى النجار
ناصر : هو فى حد مايعرفش مين خيرى النجار
انا : انا بقى عايز اعرف اللى محدش يعرفه
ناصر : يا باشا احنا نخدمك بعنينا
انا : ياناصر انا هعمل معاك اتفاق قدامك 48 ساعه لو جبتلى حاجه تهد خيرى النجار ليك منى نص مليون
ناصر : واقل من كده ياباشا قبل الليل مايليل هيكون عندك اللى انت عاوزه
انا : مش بالساهل كده ياناصر
ناصر : ياباشا خيرى النجار ده حبايبه كتير ومصايبه اكتر ولا انت فاكر العز اللى عايش فيه ده من مرتب الداخليه
انا : خلاص ياناصر اول ماتوصل للى انا عاوزه كلمنى
ناصر : ادينى كام ساعه وابعتلك اللى انت عاوزه
انا : خلاص تمام وعايزك تحطه هو وعيلته كلها تحت عنيك مايغبوش عنك لحظه واحده وانا راجع القاهره يوم الجمعه هقابلك واحاسبك
ناصر : تمام ياباشا
انا : سلام ياناصر
* عوده من الفلاش باك
اول ماشاف الورق ده برق وقام مسكنى من لياقة القميص ورجالته اول مشافوا كده جريوا علينا و اصحابى واقفين خايفين
خيرى : انا هدفنك صاحى علشان تعرف تهددنى
انا : احسنلك تنزل ايدك وتبعد رجالتك علشان مانندمش كلنا وفجاه تليفونه رن ورد عليه
خيرى : الوووو ... انت بتقول ايه ... انتوا مين .... وعاوزين ايه .... حاضر حاضر
وبعد ماقفل بص على رجالته وقالهم : ابعدوا من هنا
وبعد مامشيوا بصلى وقال : انا تحت امرك
انا : انا فى الاول كنت هكتفى باللى حصل الصبح واقول عيل مش متربى وغلط واخد اللى يستحقه لكن بعد اللى انت عملته ده لازم يبقى فى عقاب تانى
خيرى : انا تحت امرك بس كلم رجالتك يسيبوا مراتى وبنتى
انا : مراتك وبنتك دول كانوا قرصة ليك علشان ماتتعداش حدودك معايا ... والورق اللى انت شوفته ده معايا اكتر منه وموزعه على ناس كتير ومفهمهم ان لو حصلى حاجه يدمروك بيه وهما مستنين منى الاوامر زى اللى اول ماشافك هنا معايا ادى اوامر باقتحام بيتك فى اللى بيراقبنى لو حصلى حاجه يتصرف .. ولا تحب افكرك بمنصور راجح الراجل بتاعك فى الاقصر .. على فكره لو كلمته هيقولك ان انا اللى خلصت موضوع حسين صقر وعياله يعنى احنا من الاخر ماينفعش نضرب فى بعض لان كدا كلنا هنزعل
خيرى : انت تعرف حسين صقر من فين
انا : حسين ده يعتبر عمى وانت اكيد عارف ايه اللى حصله وممكن اعمل فيك زى ماعملت فيه هو وعياله احسنلك كده تعقل لاحسن ادمرك .. وانت شوفت بنفسك موضوع حسين خلص من غير ما حد يمسك عليا اى حاجه وانت بنفسك اللى قفلت الموضوع فى الداخليه ومن غير ماتعرف خلص ازاى
خيرى : انا قولتلك تحت امرك
انا : دلوقتى هتنادى على رجالتك وصحابى الواقفين هناك وابنك وهتضرب ابنك بالقلم قدامهم وتتف عليه وتاخده وتنزل بيه القاهره وتعتذر لبنت خالتى اللى واقفه هناك دى
خيرى : بس كده
انا : انا مش عاوز اكتر من كده
خيرى : حاضر ... ونده خيرى على الكل وضرب ابنه بالقلم وتف عليه وقاله اطلع لم هدومك واعتذر لهدير واخد رجالته ومشى وفى الوقت ده كان كل الرحله اتجمعت بالمشرفين معاهم كام موظف من الفندق والكل بيضرب كف على كف ومحدش فاهم حاجه وبعد مامشى خيرى ورجالته كل واحد راح لحاله انا حسيت انى مخنوق شويه طلعت قعدت على البسين شويه وهدير جات ورايا
أنت تقرأ
رواية ( الفتي الشرير ) كاملة
Misterio / Suspensoنتناسى لكننا لا ننسى، احيانا قد نتخلّى عن المحاسبة لكننا لا نسامح.هكذا هي طبيعة الانسان بكل ما فيه من جنون... الخيانة ،الغش ،الاخلاص ،الوفاء لكي نفهم كل انسان يجب علينا فهم ما يدور داخلة من الناحية النفسية، علينا ان نراجع كل الاسس التي تربي عليها كذ...
