#الفتي_الشرير
#الحلقة_ال37
______________
نزلت من عند اصحابى بسرعه علشان الحق باسم واشوف فى ايه واول ما وصلت الشقه لقيت باسم قاعد فى الاوضه ومولع النور وخايف
انا : ايه فى يابنى مالك
باسم : الشقه دى مسكونه
انا : مسكونه ازاى يعنى
باسم : الشقه دى مليانه عفاريت
انا : ازاى يعنى
باسم : انا بقالى كام يوم اكون قاعد فى الاوضه بالليل احس ان فى حركه فى الصاله فالاول مكنتش بركز .... بس النهارده حصل حاجه غريبه
انا : حاجة ايه
باسم : كنت قاعد مستنى الماتش يبدأ قولت اقوم اجهز الشيشه واعمل الشاى على مايبدا دخلت المطبخ لقيت الفحم والشاى خلصانين
انا : اوعى تقولى العفريت خلص الشاى والفحم .... ده عفريت صاحب مزاج
باسم : لا انا لما لقيت الفحم والشاى خلصانين قولت انزل اشترى ... وبالفعل نزلت اشترى وبعد ما رجعت فتحت باب الشقه وببص فى الصاله لقيت الشيشه جاهزه والفحم والع والشاى معمول والتليفزيون مفتوح على قناة الماتش فالاول قولت ممكن يكون انت وجوبا رجعتوا وعملتوا كده دورت فى الشقه ملقتش حد اتصلت بجوبا قالى انه لسه فى وسط البلد بعد كده كلمتك
انا : اهدى يا حبيبى دى اكيد تهيوءات
باسم : لا انا متاكد
انا : يعنى انت عاوز تقنعنى ان الشقه فيها عفريت وكمان عملك شاى وشيشه وقعد يتفرج معاك على الماتش
باسم : اقسملك ده اللى حصل
انا : احنا قاعدين فى الشقه بقالنا 10 ايام ..... اما ملاحظتش حاجه زى دى وانت وجوبا نزلتوا البلد من يومين وسبتونى لوحدى وبرضه مفيش حاجه
باسم : بس انا متاكد ان فى حاجه
انا : ياعم افرض ان فى حاجه .... ده حتى عفريت صاحب مزاج
باسم : انا عاوز اسيب الشقه
انا : بص احنا ناخد كام يوم تانى ولو حصلت حاجه اوعدك انا اول واحد همشى
وقعدت اكتر من ساعه اقنع فى باسم انه يشيل الاوهام دى من دماغه
فى يوم كنت قاعد مع واحد صاحبى من اسوان اسمه عمر ومعايا فى السكشن
انا : ايه يابنى بقالك اسبوع كده مش ظاهر
عمر : معلش معايا مشكله كده
انا : خير يابنى فى ايه
عمر : هو انت مش من الاقصر برضه
انا : ايوه
عمر : يبقى ممكن تلاقى حل للمشكله دى
انا : ايه فى يابنى متوقعش قلبى معاك
أنت تقرأ
رواية ( الفتي الشرير ) كاملة
Misterio / Suspensoنتناسى لكننا لا ننسى، احيانا قد نتخلّى عن المحاسبة لكننا لا نسامح.هكذا هي طبيعة الانسان بكل ما فيه من جنون... الخيانة ،الغش ،الاخلاص ،الوفاء لكي نفهم كل انسان يجب علينا فهم ما يدور داخلة من الناحية النفسية، علينا ان نراجع كل الاسس التي تربي عليها كذ...
