#الفتي_الشرير
#الحلقة_ال47
__________
وقفنا الحلقة اللى فاتت لما سلمت البضاعه
انا : كده خلصنا كل حاجه زى ما اتفقنا .... فى حاجه تانى
الراجل : فاضل اخر حاجه
انا : حاجة ايه اللى فاضله
الراجل : لا متشغلش بالك احنا هنخلص
انا : هتخلصوا ايه مش فاهم
الراجل : معلش يابشمهندس هناخد عمرك .... وطلع مسدسه وضربنى طلقه فى صدرى وقعت فى الارض
من ناحيه تانيه فى قصر المنظمه اجتماع ببن الوزير الاعظم والفيل والطابيه
الوزير الاعظم : ازاى ماوصلش المطار لحد دلوقتى دى الطياره فاضل عليها نص ساعه
الفيل : انا قولت من الاول ان الوزير مش سهل ومهيب صقر صعب يخلص عليه لوحده
الوزير الأعظم : احنا كنا عاملين حساب حاجه زى دى ومراقبين الوزير بس برضه هرب مننا احنا برضه
الطابيه : طب والحل دلوقتى يافندم
الوزير الأعظم : مش عارف .... هو بقاله يومين مختفى ومش عارفين نوصل لمكانه
الطابيه : طب اتصل بمهيب صقر شوفه ممكن يكون وصل لحاجه
الوزير الأعظم : قافل كل تليفوناته
الفيل : تفتكر يا فندم لما هرب منه الوزير .... قرر انه يهرب قبل ما يتقتل
الوزير الأعظم : ما اظنش هو اذكى من كده وبعدين بيته متراقب واهله كلهم موجودين فى البيت ومفيش اى حركه غريبه هناك
الفيل : احساس العجز ده مدايقنى جدا .... اكتر حاجه بكرهها ان ابقى مش فاهم ايه اللى بيحصل حواليا
الوزير الاعظم : انتو عارفين يا بشوات احنا لو فشلنا فى المهمه دى ايه اللى هيحصل
الطابيه : مفيش فشل ولا حاجه
من ناحيه تانيه فى الميناء .... اقتحم الميناء ظباط شرطه من القوات الخاصه ومعاهم لواء شرطه ومقدم ..... فى نفس الوقت اللى كان بيخلص فيه اسر الورق علشان يطلعوا المركب
اللواء : على فين يا اسر باشا البلد دى احسن من غيرها
اسر : قصدك مين حضرتك اكيد فى غلط .... انا شريف ابوزيد
اللواء : لا حلوه وملعوبه ... حاجز فى مطار القاهره على طيارة فرنسا وبتهرب من ميناء اسكندريه على اليونان
آسر : اكيد يا فندم فى سوء تفاهم
اللواء : انت تخرس خالص ..... لملى يابنى كل العيله الوسخه دى وحرز كل الشنط بتاعتهم لما نشوف اخرتها .... ولا ايه يا خالد
خالد : يا فندم اكيد فيه سوء تفاهم .... انا معرفش حد اسمه خالد
اللواء : اتحرك ياحضرة الظابط ولملى الناس دى كلها
واتقبض على خالد واسر وعيلته كلها وطلعوا بيهم من الميناء وركبوهم العربيات وطلعوا بيهم
نرجع عندى انا بعد ما اتضربت بالنار ووقعت الشرطه اقتحمت المكان وحاصروه
الظابط : ارمى سلاحك على الارض المكان كله محاصر
الرجاله اول ما شافوا الشرطه محصراهم من كل حته رموا سلاحهم فى الارض وسلموا نفسهم بعد كده الظابط جالى
الظابط : قوم يا دياب ماتستموتش فيها
انا : ايه يا طارق باشا خلصت
طارق : ايوه خلاص خلصنا .... شوفت الواقى اللى كنت رافض تلبسه نفعك ازاى
انا : عندك حق يا باشا انا لولا القميص كان زمانى بقول على الدنيا السلانكتيه
طارق : طب يلا قوم خلينا نمشى
انا : طب عملتوا ايه مع الراجل اللى اخد الحاجه
طارق : متقلقش اتقبض عليه خلاص
انا : طب اسر وخالد قبضتوا عليهم فى المطار
طارق : للاسف محدش فيهم راح المطار لحد دلوقتى
انا : ازاى كده
طارق : ده اللى حصل .... تعالى نوصلك شقتك وبعدين نشوف الموضوع ده
انا : يلا بينا
أنت تقرأ
رواية ( الفتي الشرير ) كاملة
Misterio / Suspensoنتناسى لكننا لا ننسى، احيانا قد نتخلّى عن المحاسبة لكننا لا نسامح.هكذا هي طبيعة الانسان بكل ما فيه من جنون... الخيانة ،الغش ،الاخلاص ،الوفاء لكي نفهم كل انسان يجب علينا فهم ما يدور داخلة من الناحية النفسية، علينا ان نراجع كل الاسس التي تربي عليها كذ...
