School of Law #2: Prosecuted (COMPLETE)

Chapter 16

Dedicated to: kylovilla

"Oh my gosh! Why do I miss you kahit na we're not that long naman na nagkahiwalay?"

Bahagya akong natawa kay Fel. Napailing ako at saka inilagay na ang mga order nila

Nandito kami ngayon sa cafe na pinagta-trabahuan ko at hindi ko alam kung anong meron sa kanila na nagpunta pa talaga rito. Kompleto nga kami ngayon, e. Sabi ni Adolf, si Fel ang nag-ayaw sa kanila ni Flynn. Si Teon kasi araw-araw naman na nandito.

"OA ka talaga, Fel," asar ni Flynn na agad din namang inirapan ni Fel.

Natawa ako.

"Uhm sige, diyan na muna kayo, ha? Doon na muna ako sa counter," paalam ko.

Tumango-tango si Fel. " Sige! Catch up tayo later! We'll be here lang!" Ngumiti siya.

Tumango rin ako at saka ngumiti rin. "Sige."

Tinalikuran ko na sila at saka bumalik ako ng counter. Nagtrabaho lang muna ako habang sila ay nandoon lang. Lumabas sandali si Fel kasi may bibilhin daw kaya sinamahan muna siya ni Adolf pero bumalik din naman sila pagkatapos. Sina Flynn at Teon naman hindi talaga lumabas ng cafe. Si Teon nagbabasa pa rin habang si Flynn naman ay naglalaro yata sa cellphone niya.

Nang magtanghalian na ay saka nila ako niyaya. Hindi nga dapat ako sasama kasi syempre may trabaho ako pero nang si Fel na ang nakiusap sa pinsan ni Teon wala na rin naman akong choice kundi ang sumama. Si Fel pa, e ang galign mangumbinsi. Parang di ka pwedeng tumanggi.

Dinala niya kami sa isang italian restaurant sa fourth floor kasi gusto nia raw mag-pasta.

"It's my treat ha. Don't make any comments," sabi niya agad na para bang winawarningan na ako.

Napabuntong -hininga na lang ako at saka tumango. Agad naman siyang ngumiti at nag-thumbs up.

"Okay. Let's order na!"

At umupo na kami. Pasta lang din yung in-order ko kasi di naman ako masyadong gutom. Nag-order din ng malaking pizza si Fel para sa aming lahat.

"That would be all na," sabi ni Fel sa waiter.

Nang makaalis ang waiter ay bumaling sa amin si Fel. "We should have a get together sa new year. Celebrate tayo together please," sabi niya sa amin.

"Hindi ba kayo magsi-celebrate sa mga pamilya niyo?" tanong ko.

Halos sabay pa silang nagkibit balikat maliban kay Teon.

"Out of the country sina Mommy. Di ako sumama." Si Flynn. Nag-thumbs up naman si Adolf.

"Please na, Cassia!" kulit pa ni Fel. Binalingan ko si Teon.

"Tanungin niyo muna si Teon. Baka di siya pwede. Tsaka may trabaho ako, no."

"Nah. Pag sumama ka, Cass, sasama yan for sure." Ngumisi si Adolf.

Ngumuso ako. Ayan na naman, e.

Napalingon ako nang yugyugin ako ni Fel.

"Please. Nagtatampo na ako. You didn't tell us you were with Teon sa christmas!"

Bahagyang nanlaki ang mga mata ko at saka napabaling sa kanya.

"Paano mo nalaman?" takang tanong ko.

Narinig ko pang tumawa sina Adolf at saka Flynn.

Sumimangot si Fel sa akin. "I saw a pic! May pic pa kayo, ha!"