تركت ابنة عمها بعد ان ودعتها لتدخل منزلها استوقفها صوت تحفظه عن ظهر قلب صوت أعاد عليها أوجاعها وذكرياتها المرهقة الحزينة
قاطع عليها صدمتها وتذكرها للألم وذكرياتها المخذلة معه وتحدث بتهكم : ايه ياعروسة ينفع بدل مااقوم من النوم الاقيكي مجهزالي الفطار وتقوليلي صباحية مباركة ياجوزي بتهربي مني
لتتعالي أنفاسها الغاضبة ويشتعل كل انش بجسدها وهي تعطيه ظهرها ليتحدث بعدها بتلك الوقاحة وهو من استغل حبها له لتستدير له اخيرا بعدما تصنعت الجمود لتتحدث اخيرا ببرود اجادته : يابجاحتك يااخي بعد كل اللي عملته فيا جاي لحد هنا وبتتريق كمان
ساري بتفاجئ: لسانك طول كمان
جود بتحدي : مش لساني بس اللي طول خلي بالك
ساري بإعجاب لم يظهره وهو يقترب بجرئة ويتحدث بوقاحة : احب اشوف بنفسي
جودبغضب : احترم نفسك وأنت بتتكلم معايا انا مش الهبلة اللي كانت مفكرة استغلالك ليها حب
امسك زراعيها بقوة وتحدث بغضب : انتي اتجننتي بتكلمي جوزك ازاي كده
حررت زراعيهابقوة :لا متجننتش عقلت وفهمت اني كنت غلط ولازم انا اتحمل نتيجة غلطي وانا اللي هصلحه
واعمل حسابك انت جيت هنا برجلك وفرت عليا مسافة كبيرة ومجهود كبير حالا لازم ننهي المهزلة دي
ساري باصرار : وانا مش هنهيها
جود بغضب : مش بمزاجك... لا لا استني ده فعلا بمزاجك انت قبل كده كنت في مزاج ومود وحش ومش طايقني ومش بتحبني ومش متقبلني لاني مش متوافقه مع تفكيرك ولا لايقة اني اكون شريكة حياتك وبعدها بيوم كنت في مزاج حلو في الفراش
اخرسي......
قاطع حديثها ويده مرفوعه كادت ان تنزل علي وجهها في صفعه ولكنه حاول التماسك لاقصي درجة ممكنه فهي استفذته لاقصي الحدود لتخرج اسوء مافيه ولكنه لن يسمح لها
ليتحدث ببرود : متنسيش انك انتي اللي كنتي بتجيلي اوضتي وانا اللي كنت بمسك نفسي وحذرتك اكتر من مرة علشان متهورش لكن انتي اللي صممتي
لو هنشوف مين فينا اللي غلطان فهو انتي اللي غلطانه لأنك مشيتي ورا عواطفك لاغيتي عقلك
كان اهون عليها ان يصفعها حقيقي افضل لها من سماعها لتلك الكلمات السامة التي ألقاها عليها ويا للعجب هو محق
كانت تنظر له بأعين دامعه رفضت النزول أمامه وكأن دموعها تشعر وتساندها حتي لاتضعف
هي لن تعود لسذاجتها مرة اخري لقد عانت بسبب حبه وهو قتلها بسكين ذبحها اولا ثم تفنن في عذابها لقد حاولت أن تستعد لمواجهته وتقوي نفسها أمامه
كان ينظر لها بوجع لما قاله كيف فعل هذا لقد أخطأ في حقها ولكنه أيضا كان صريح أراد أن يكون عادل معها ولا يظلمها فهو وقتها لم يكن يراها زوجة له
ليفيق علي صوتها
جود بوجع : اللي عملت كل ده كانت وقتها جود الغبية اللي حبتك وفعلا عقلها كان مغيب ثم تكمل ببرود
جود ببرود : اعمل حسابك انك هطلقني وفي اسرع وقت وقدامك لآخر الأسبوع
ساري وهو يربع يده أمام صدره قائلا بتحدي : ساري الجارحي مبيطلقش
جود بابتسامه صفراء جانبيه : اوك خلينا نشوف رد فعل ساري الجارحي لما يجيله جواب قضية الخلع اللي هرفعها في شغله وسط زمايله وطبعا الخبر هيوصل لبنت القائد اللي انت عاوز تتقدملها شوف بقي سمعتك وحياتك هتبقي عامله ازاي
سلام يا حضرة الظابط
لتتركه وكادت ان تفتح الباب ليمسك يدها بقوة اخافتها : انا مبتهددش وانا مش هطلقك لتري الغضب بعيناه لتبادله بتحدي وصل لاعماق قلبه ليأخذ قلبه من مكانه ويخرج به ومنذ ذلك الوقت عرف انه لن يعود لمكانه مرة اخري ليخفف من ضغط يده لاول مرة يراها بتلك الهيئة والقوة
تركته ودخلت لتغلق الباب وتقف ورائة وقد تركت الحرية لدموعها تنزل وهي تشعر بالتوهان ماذا ستفعل اتعترف لولدها بزواجها ام ماذا فهي لن تعود له لقد أهان كرامتها واستغلها وهي ابدا لن تسامحه
أنت تقرأ
جود
Roman d'amourظابط بالقوات الخاصة بالجيش زلزال يفتك بالجميع حارب الكثير من المجرمين والارهابيين قاسي لم يكن للحب مكانا بقلبه المتعجرف المغرور يهابه الجميع ليس له نقطة ضعف عنيد يطلقوا عليه الموت المدمر للاعداء لم يبالي بمشاعر احدا ماذا لو فاق متأخرا ووقع في...
