جود

الفصل السادس عشر

كان يدور في غرفة مكتب ساري يضرب بقبضة يداه علي سطح المكتب
زفر بضيق كبير وهو يتمتم من بين شفتاه : بقي انت غرقان في العسل ومش قادر تسيبني اخد اجازة يومين الطف الاجواء وارجع ومش بس كده تخليني اجي نفس المسافة دي من غير ماارتاح واكلمك قافل موبايلك لكن هتروح مني فين
قاطع حواره الغاضب مع نفسه دخول ساري ليرفع عيناه ويقابله ساري بابتسامة بسيطة قائلا : متاخر نص ساعة عن ميعاد وصولك
هتف يونس بحنق بالغ : انت لايمكن تكون انسان من دم ولحم زينا
تقدم ساري حتي جلس علي مقعد مكتبه الضخم ارتاح في جلسته قبل ان يتحدث ببرود اثار غيظ يونس اكثر : اومال انا ايه قدامك
يونس : روبوت
ساري بتحذير : يووونس بلاش تجبرني اني اخليك تطلع حالا دوريه تلف الصحرا كلها من شرقها لغربها ومترجعليش بايدك فاضية
يونس وهو يتراجع : لا ياساري انت صاحبي متعملش فيا كده انا راجع تعبان المشوار كان صعب اوي
ساري ببرود : راحة ساعتين ونفذ اللي طلبته
يونس باعين متسعة : ساعتين بقالي ٢٤ ساعة سايق من غير توقف وتقولي راحة ساعتين
ساري ببرود : انت مش شايف انك مكبر المسألة زيادة عن اللزوم احنا شغلنا مفيهوش راحة اصلا يلا يا حضرة الظابط نفذ الاوامر من غير نقاش فات خمس دقايق من الساعتين
خرج يونس وهو يشتم ساري بين اسنانه بغيظ

مرت الايام وعادت حلا من منزلها لتعيش في منزل فهد فقد وعدها بأن يقضوا معظم اوقاتهم في منزلهم باطراف الصحراء

بينما ساري منشغل بعض الوقت ولم يأتي المنزل سوا بالمساء فقط

بمنزل وهدان
حلا : لا اصدق ياجود ان فهد اصبح مراعي
لي ولمشاعري واهتمامه لا يفوت فرصة حتي يثبت لي انه يحبني وانه نادم علي ماحدث انا كأني بحلم
جود بابتسامة : اومال لو شوفتي ساري بقي بيعاملني ازاي هتقولي ايه سبحان مقلب الاحوال فعلا الحب الحقيقي ياحلا هو اللي بيصنع المعجزات
حلا بفخر : ليس الحب فقط فنحن بنات الهاشمي لنا سحر خاص
جود بمزاح : بلاش الغرور ده هتاخدي علي قفاكي يا حبيبتي
حلا بتساؤل : ايش .. ماذا تقصدي يا جود
جود ببسمة هادئه : دي كلمه سندس المشهورة كانت دايما تقولهالي
حلا بضحك : اشتقت لها كنت اتمني ان اكون حاضرة عندما غادرت لاودعها
جود بتفكير : احنا فيها اطلبي من فهد انك تيجي مصر معانا منها تشوفي سندس وكمان تغيري جو
حلا بيأس : كنت اتمني لكن المشكلة بفهد لن يوافق اكيد

جود باقناع : هقول لساري يعرض عليه الفكرة ونسافر سوا ثم تكمل بخبث وبعدين كلك نظر بقا انتي اقنعيه بطريقتك مش لسه كنتي عماله تقولي فيه شعر وسحر الهاشميات انتي وشطارتك بقي تشوفي سحر الهاشميات مؤثر ولا مش مؤثر كل اللي هتحتاجيه شوية خصوصية
لتضحك حلا وهي تفكر عليها ان تستغل سحرها قليلا ما العيب فهو زوجها وهي لن تظل مرتدية الوجه اليابس طوال الوقت
لتنتفض حلا واقفة مرة واحدة : ساذهب انا ياجود لقد اقترب موعد عودة فهد و لأنفذ الخطة ايضا
لتتركها وتغادر تحت نظرات جود المحبه والسعيدة من اجلها فحلا اصبحت مكانتها اكثر من اخت بالنسبة لها