جود

الفصل الثامن

نزل من سيارته التي ركنها علي شاطئ البحر يتطلع حوله تزوره في افكاره ومن غيرها تثير بداخله مشاعر لا يفهمها تقدم عدة خطوات من الشاطئ ليقف علي رماله يتامل امواج البحر الهادئة بعينين هائمتين اغمض عيناه يستنشق رائحة البحر بعمق يتمني لاول مرة وجودها لقد صدقت والدته عندما اخبرته انه تعلق بها ووتلك الكلمات التي كان يتفوه  بها لم تكن سوا حماقات وعناد وانه لم يكن يريد ان يعترف لنفسه بان تلك الفتاة الصغيرة هي من اوقعته في شباكها علي الرغم من الكثيرات التي كانت تتمني لو يعطي لاحد منهم امل ولو بسيط قاطع عليه لحظات شروده هاتفه ليلمح اسم قائده
التقط ساري الهاتف وفتحه ليستمع لاوامر قائده
ساري : تمام يافندم ساعة وهكون عندك في سرية تامة
ليغلق الهاتف ثم يلقي نظرة اخيرة للشاطئ ليتحرك بسيارته

بمبني الجيش

اللواء اسعد الصالحي : المهمة دي هتتعمل بمنتهي السرية اولا الهجوم هيبقي قبل الفجر في نص الليل وطبعا ياساري لازم تدخل متنكر ولابس نفس لبس البدو علشان تبقي مألوف ومتثيرش الشكوك يونس دوره هيدخل يأمن المنطقة ويتأكد انها خالية طبعا هيديك اشارة تستعد وقتها للهجوم طبعا في مرشد من قبيلة عايشة قريبة من الارهابيين هيبقي معاكم يعرفكم الطريق جوة وهيقي الدليل تبعكم
ربنا معاكم يا ابطال وان شاء الله ترجعوا بالسلامة

ذهب ساري الي القصر ليجهز ملابسه ويودع والدته واخته

دخل القصر وكانت والدته جالسة مع اخته يشاهدون التلفاز

ساري بابتسامة اقترب من والدته وقبل رأسها : لسه ست الكل زعلانه مني

نهال بحب : انا عمري ماازعل منك ياحبيبي ابدا كل اللي نفسي فيه وبتمناه اشوفك مرتاح وسعيد
ساري وهو يطمئنها : اطمني ياامي كل شئ بعد ما ارجع هيبقي زي الفل ودعواتك بقا
نهال وهي تدعو له وتحتضنه
ليوجه حديثه لاخته بمزاح : وانتي يابت انتي مش عاوز اسمع شكوي من ست الكل والا هنزلك مخصوص
نهال بقلق : انت مسافر يا ساري
ساري وهو يومئ لها : عندي شغل كام يوم كده وهرجع علي طول
نهال بقلق : شغل ايه ياحبيبي اللي هتسافرله كام يوم وفين
ساري وهو يحاول ان يمزح ليخرج والدته من الخوف والقلق الظاهر عليها : ايه ياست الكل ده اللواء بنفسه مستحيل يحقق معايا كده وبعدين هي دي اول ولا اخر مرة اسافر فيها
نهال : انا امك مش اللواء ولازم اطمن علي ابني انت سندي في الدنيا ياحبيبي انا قلبي مش مطمن للسفرية دي
سندس بمزاح : الله الله ياست ماما بقي هو سندك في الدنيا وانا ايه كيس جوافة ابقي شوفي مين هيتفرج معاكي علي المسلسل الهندي بقى مفيش غيرها جود اللي كانت بتجبر خاطري وتحسسني اني ليا قيمة

رأت نهال الحزن في عين ساري والندم لتشعر ببعض الامل فأبنها بدأ يشعر اتجاه جود بمشاعر تتمني ان تكبر وتصبح اقوي لتتحدث قائلة : ان شاء الله كل شئ هيرجع زي الاول يا حبيبي كل اللي نفسي فيه اني اريح جيداء وانفذ وعدي ليها