جود

النهاية

مر الوقت سريعا مر كلمح البصر لم يتبقي سوا اسبوع فقط
لم تستطيع فيهم نهال والبنات الراحة فحلا قد اتت من اسبوعان لتجلس مع جود وسندس وتساعدهم في التجهيزات كان الحمل الكبير علي جود تختار مع سندس الديكور واثاث الشقة وبين شراء الاغراض الخاصة وسندس تنسق الحفل فهي اميرة لذلك اليوم ويجب ان يكون كل شئ مجهز فهككذا هو زفاف الاميرات

بسبب الفرح لم يجتمع فهد وساري مع زوجاتهم كثيرا ليكتفوا بدور المشاهدين لينشغلوا مع يونس ايضا في ترتيبات الزفاف

يوم الحفل

جود بفرحة : انا مش مصدقة اننا خلاص خلصنا كل شئ احنا تعبنا اوي في الشهرين دول
سندس بحب : انا متشكرة اوي يابنات حقيقي انا لو عندي اخوات عمري ما كنت هحبهم بالشكل ده
حلا بسعادة : انا كمان حبيبتك حبيتك
جود وسندس بضحك علي طريقة حلا الجديدة في الحديث التي تعلمتها من سندس
جود بمزاح :الحمد لله ياحلا انك مطولتيش في القاعدة مع سندس
سندس بمزاح : طيب والله لهجتها بقت احسن واكيد فهد فخور بيا
حلا برعب وهي تتذكر : ابدا يا سندس لم يعجبه عندما اخبرته انه شخصية جامدة وموز من الاخر
لتشهق جود : انت قولتي لجوزك كده الحمد لله انه عدي اليوم لتهمس بداخلها : الله يكون في عونك يا يونس علي اللي هتشوفه

جود بتذكر : قوليلي ياحلا فهد شاف الفستان والحجاب اللي اشتريناه
حلا بابتسامة : لا تركتها مفاجأه له فهو بالتاكيد لن يرتدي ثياب القبيلة وسيرتدي مثل زوجك ويونس فلن توجد مشكله عندما يراني بالطابع القاهري

لتبتسم لها جود بمودة

بعد وقت كان الجميع قد انتهي ووقفت خبيرة التجميل تضع اللمسات الاخيرة للعروس والبنات

بالاسفل
كان يونس قد وصل لينقل العروس لقاعة الزفاف

ساري الواقف بمنتهي الثقة والرجولية وهو يبتسم لصديقه بصدق : مبروك يا عريس
يونس بابتسامه : الله يبارك فيك يا صاحبي
ساري بتحذير : انت طبعا مش محتاج توصيه انت عارف لو فكرت تزعلها او في يوم رجعتلي زعلانه مش هتلحق تحكيلي السبب لانك هتكون بتسلملي علي الشهداء بتوعنا
ابتلع يونس ريقه بخوف من كلمات ساري
ليأتي فهد من خلفهم يضحك بطلته الرجوليه المهلكة لقد ناسبته البدلة جدا واظهرت جماله وقوة عضلاته : يا ساري اترك الرجل اليوم زفافه نريده في كامل قواه دعك منه اليوم لا تظهر شرك من اول ليلة

يونس : قوله ده مبيكملش شئ حلو للاخر كفاية انه سمح لي باجازة شهر بس
ساري ببرود : وانت هتعمل ايه اول يوم رمضان هتصلوا التراويح
يونس بغيظ : اطلع ياساري الله يهديك هات اختك علشان نلحق الفرح من اوله اتأخرنا

بالاعلي دخلت نهال تلقي علي ابنتها نظرة اعجاب بجمالها وبفستانها الرقيق لقد كانت رائعة
نهال بدموع : انا مش مصدقة اني شايفاكي عروسه ربنا يسعدك ويهنيكي ياحبيبتي لتحتضنها سندس بدموع قائله : لأول مره هبات بعيد عنك
نهال بابتسامه : بس انتي مش هتبقي بعيده عني هما عشر دقايق بالعربية وهتكون عندي