سلسلة لماذا يا ابي .. الأربع أجزاء معا.. للكاتبة اسماء عبد الهادي

حلقة خاصة

حلقات خاصه

فى هذا اليوم من كل أسبوع يكون الإجتماع العائلى فى قصر الصياد

حمزة: انت ازاى تزعق لها كده،كل مرة تزعقلها بالشكل ده

مروان بحده: تستاهل طالما مش بتسمع الكلام،مليون مرة قلت لها ومفيش فايده

حمزة بغضب: انت ايه يااخى ،مفكر نفسك راجل بتتشطر على بنت

مروان وقد ازداد غضبا: راجل غصب عنك تحب اوريك،ولا انت مبتحبش غير انك تقعد مع البنات فى الحديقه

جاء كل من لؤى ورعد وعمر على صوت هذه المشاحنات

حمزة: وفيها ايه دول بنات اعمامى يعنى مش حد غريب يبقى ايه المشكله ،انا هقول لعمى رعد وهوا يربيك،لو عرف انك زعلت بنته وخليتها تبكى

مروان بقوة ولا مبالاة: قوله هو انت فاكرنى هخاف

رعد بصوت قوى : يعنى انت مش خايف منى يا مروان

تراجع حمزة للخلف فالجميع يهاب الرعد

عمر اخذ ابنه حمزة وراءه وقال: استر يارب ،الحق ابنك يا لؤي،شكله هيتنفخ

لؤى لم يحرك ساكنا فهو يعرف ابنه جيدا

مروان بثبات: مع احترامى لحضرتك ياعمو انا معملتش حاجه غلط علشان اخاف

اعجب رعد بهذا الصبى الشجاع فهو لم يبلغ الثالثه عشر بعد ويتحدث كالرجال

رعد: طب احكيلى بتتخانقوا ليه

جاءت نور وهى غاضبه وابنتها حنين تمسك بيديها وما زالت الدموع فى عينيها

نور: بردو يا مروان زعلت حنين مش معقول كل مرة كده

لؤى : فى ايه يا مروان، انت مزعل حنين ،،ثم اقترب من حنين وضمها اليه بحنان : فى حد يزعل روح قلب خالو ، ثم قال مداعبا اياها :متزعليش ياحبيبتى حقك عليا

حمزة: قوله ياعمى ،حد يزعل القمر ده

مروان بحده: حمزززه،اسكت انت حسابك بعدين يازفت

عمر مازحا: هااارك اسود،بتزعق لابنى قدامى

مروان: بعتذر منك ياعمى

رعد:مروان،احكى ليه مزعل حنين بالشكل ده

مروان: ياعمى قلت لها مليون مرة متقفش مع الولاد، مصممه متسمعش الكلام ،والاقيها واقفه تهزر مع الاستاذ-يشير الى حمزة-

عمر. بدهشه: ياواد ده ابن عمها وفيها ايه

مروان: ياعمى مينفعش ،البنات مخلصتش علشان تضحك وتهزر مع الولاد ،،عندها أسيل وآسيا بنات عمتو ريم ،ومرام بنت عمتو جودى ،وحور وحبيبه بنات عمتو زينه ،وديما اختى ،كل دول مش مكفينها قالها وهو ينظر لحنين بحده ،جعلها تتراجع للخلف