سلسلة لماذا يا ابي .. الأربع أجزاء معا.. للكاتبة اسماء عبد الهادي

الفصل الأول

حلقه خاصه

بارت ١

تجهم وجهه وتنهد فى ضيق فهو ليس مقتنعا بما يقوله مديره ،نظر لذلك الذى يجلس بصمت رغم انه يعرف انه يغلى من الداخل ومن ثم لكزه فى كتفه ،فانتبه له الاخر وقال بضيق _ايه عايز ايه

انحنى نحوه مقربا فمه من اذن صاحبه وكز على اسنانه _انطق قول حاجه

لوى ثغره وقال بامتعاض لايريد أن يتكلم هو او أن يعترض حتى لا يتعرض للتوبيخ _انت بتحطنى فى وش المدفع ليه؟

نظر له الاخر بحدة فقال _طيب ربنا يستر ومننطردش احنا الاتنين

نظر لذلك الذى يجلس على مكتبه ويسجل شيئا فى الملف أمامه ويبدو منشغلا عنهما بعدما املى عليهم اوامره

تنحنح هو ليجعله ينتبه لما يريد قوله_احم ..بس يافندم

نظر له وهو يبعد نظارته عن وجهه_فى حاجه يا مروان

نظر مروان لادهم ،فهز ادهم رأسه مشجعا اياه أن يكمل كلامه

فقال مروان بتردد فهم لم يعتادوا على مجادلة الاوامر التى تطلب منهم ،لكن هذه المهمه يرونها غير مناسبه لهم _يافندم اعتقد ان لو حضرتك وكلت المهمه دى لرجال الامن هيكون افضل

نظر له مديره فى العمل بحده_وحضرتك هتعرف أكتر منى

فتدخل ادهم فى الحوار الذى يعتقد انه سيحتدم _لا طبعا يا فندم بس مروان يقصد ،ان مهمه الحراسه دى مش من اختصاصنا ،مش دى المهام اللى احنا متعودين عليها

مروان مؤكدا على كلام ادهم_بالظبط يافندم ده اللى اقصده ،حضرتك عارف أن اختصاصنا مناورات ومناوشات واقتحام لكن حراسه لا

تنهد هو وقال لهم _طيب اقعدوا

جلس الإثنان فرحين فقد ظنا انهما استطاعا تغيير رأيه باثناءه عن ارسالهما لتلك المهمه التى لا تناسبهم

شبك اصابعه ببعضهما ومن ثم أسند ذقنه عليها وهو يقول _مهمه الحراسه اللى وكلتها لكم ،مش بتحصل الا مرة واحدة بس كل ٢١سنه ، وتعتبر حدث مهم جدا وبيوكل إليها أمهر وافضل العملاء عندنا ،علشان كده وكلتكم

أدهم_يافندم ،بس احنا مش فاهمين ،احنا مطلوب مننا ايه بالظبط

قال بضيق وحدة_جرى ايه ياادهم انا مش متعود منكم على كده

مروان _يافندم طيب فهمنا بالظبط ايه المطلوب

ضجر من تبرهم الواضح لتلك المهمه فقال لينهى الجدال _مش عارف ايه اللى مش مفهوم،مهمتكم هى تواجدكم كحُراس فى حفلة تتويج الوريث الشرعي .انتهى الاجتماع ،اتفضلوا على مكاتبكم

ادهم ومروان وهما يؤديان التحية_تحت امرك يافندم

___

ارتدت ملابسها واخذت حقيبة يدها واستعدت للنزول من بيتها ،رغم خوفها من عواقب ما قد يحدث الا انها ستفعله وستنفذ ما تخطط له ودون أن يعلم هو اخذت نفسا عميقا ثم نزلت عبر المصعد الى خارج ذلك القصر الصغير نوعا ما مقارنة بقصر الصياد المجاور لقصرهم