سلسلة لماذا يا ابي .. الأربع أجزاء معا.. للكاتبة اسماء عبد الهادي

الفصل الرابع

فى معرض السيارات

زهل لؤى و نور بالسيارات امامهم،فقد كانت حقا رائعه تخطف الانظار ،تحير لؤى اى سيارة يختار لكنه صعق عند سماع صراخ اخته تقول:واو العربيه دى تحفة انا عايزاها يابابا خلاص انا وقعت فى حبها

صدم لؤى ،فقد كانت السيارة حمراء اللون وهو مستحيل يختار هذا اللون ،كاد ان يتحدث فسمع والده يقول :لا يا نور الموديل ده مينفعكيش اختارى حاجه تانيه

نور بضيق :امم طيب ايه رايك فى الصفرا دى تحفه تجنن مش كده

هنا نطق لؤى اخيرا: لا طبعا اصفر ايه ،مش هركب عربيات صفرا انا

نور بحده: الله وانت مالك ،دى عربيتى انا

زفر لؤى بضيق من تصرفات اخته واخذ يرجو طارق :ارجوك يا طارق بيه قول حاجه مينفعش اركب عربيه صفرا

لاول مرة ينصف طارق ابنه :خلاص خلاص هتصرف

واشار الى سيارة سوداء احدث موديل

وقال: بصى يا نور العربيه دى احدث موديل ومناسبه جدا

نور: بس يا بابا دى سودا يعنى مش بناتى خالص

طارق :يابنتى مينفعش السواق يركب عربيه بناتى افهمى ده

نور : خلاص يابابا مش عايزة سواق خالص

طارق بحزم لينهى الموضوع :نور سبق واتكلمنا فى الموضوع ده هتاخدى دى لإما مفيش عربيات خالص

نور باستسلاام :خلاص موافقه فى حين رمقت لؤى بنظرة غضب وضيق منه

زفر لؤى بارتياح فقد كان يجن من خيارات اخته :قال صفرا قال دى باين عليها مجنونه

**********************

رجعوا القصر بعد شراء السيارة

جرت نور بفرحه الى الداخل مناديه على امها واخوها كريم

نور :مامى ،كيمو تعالو شوفوا عربيتى

كريم : ايه دا ظلم عربيتها احدث من بتاعتى

طارق : افلح انت الاول فى دراستك وانا اجيب لك اللى انت عايزه

صافى هانم مامت نور : تحفه يانور تتهنى بيها يا بيبى ..مبروك عليكى

نور بفرحه: تسلميلى يا مامى

كريم مشيرا للؤى مين ده

نور : ده لؤى السواق بتاعى

حزن لؤى كثيرا وتنمى ان يكون حلم مزعج سيفيق منه

طارق :لؤى ابن عامل عزيز عندى ف الشركه بس للاسف تعب ومش قادر يشتغل ،لؤى هيعيش معانا هنا فى القصر وهيكون سواق نور

كريم : هيعيش معانا هنا ؟؟

طارق :اللى سمعته ،يلا كل واحد على اوضته ضيعتوا وقت كتير ،يلا ع المذاكرة