سلسلة لماذا يا ابي .. الأربع أجزاء معا.. للكاتبة اسماء عبد الهادي

الفصل التاسع عشر

هدرت زينه عاليا_انتوا جرالكم ايه ياعيله الصياد من امتا وانتم كده ،القصر اللى الناس كلها كانت بتتعلم منه الحب والتسامح وبيحسدونا عليه يبقى بالشكل ده ،حصلت ان الاب يطرد ابنه بالشكل المهين ده ،لا وكمان ادهم ومروان من خيرة الشباب بشهاده الجميع ،حصلت يا دكتور لؤى تطرد همسه كده ومن غير سبب ،كل ده علشان بتدافع عن مروان ؟!!يااه سبب منقع اوى ،انا مش مصدقه اللى بيحصل هنا ده

____

فى الاعلى وفى نفس اللحظه

كانت ديما فى غرفتها تدمر كل شىء امامها فى الغرفه وقد وصلت لحاله من الهياج العصبى وفقدت السيطرة على نفسها قامت بقذف الزهريه فى المرآه لتسقط متهشمه القت الكتب جميعها على الارض المفارش والخداديات هنا وهناك فى انحاء الغرفه لم يبقى اى شىء فى غرفتها على حاله ،بدا الامر كما لو كان هناك معركه طاحنه بداخل الغرفه ،كانت ديما تجلس فى منتصف هذه الفوضى وتبكى بشده

دخلت حنين الى غرفه ديما للاطمئنان عليها بعدما فاقت هى مما حدث لتجد الغرفه مقلوبه رأسا على عقب وديما تجلست على الارض تبكى بهيستيريه

حنين بصدمه _ديما !!!،ليه كده ،ارجوكى اهدى ياحبيبتى ،وكادت تقترب من ديما لتصرخ ديما عالياصراخ يشوبه البكاء _خليييكى عندك ،متقربيش ،انا مينفعش حد يقرباى ،انا السبب فى اللى بيحصل فى القصر هنا ،انا السبب فى طرد ادهم ومروان ،انا السبب ان ماما يحصلها كده ،انا وحشه ومستاهلش اعيش ياحنين ،اه انا مينفعش اعيش ،كفايه مشاكل لحد كده مش هسبب لحد مشاكل اكتر من كده ،ماما زمانها هتموت من اللى بابا عمله بسببى انا ،ولسه لو عرف اللى عملته ده ممكن يروح فيها,وانا مش هستنى لما يحصله حاجه هوا كمان

حنين_ديما انتى معملتيش حاجه ،متحمليش نفسك ذنب اللى حصل

ديما وقد فقدت السيطرة على زمام اعصابها_لاا انا السبب انا هريحكم منى خالص ،لمحت قطعه زجاج على الارض متناثرة اثر كسر زجاج المرآه فمسكتها

اقتربت حنين برعب_ديمااا ،انتى هتعملى ايه ،لااا

لتصرخ ديما وهى تقرب قطعه الزجاج الحاده امام يدها لتقطع شراينها_خليكى عندك متقربيش ،لو قربتى هموت نفسى ياحنين ،ثم انهارت فى البكاء_ابعدى عنى ابعدوا كلكم ،انا وحشه ،حقيرة زى ما قال مروان

قالت حنين بحذر_حاضر هبعد ،بس ارمى اللى فى ايدك دى ياديما ارجوكى ،انتى مش فى حالتك الطبيعيه ،ديما ارميها علشان خاطرى انا

ديما_سيبينى ياحنين وامشى انا مش هتحمل لما يحصلك حاجه انتى كمان بسببى

حنين وهى تحاول الاقتراب وضم ديما الى حضنها _ديما انتى احسن بنت انا شوفتها فى حياتى كلها ،طول الوقت كنت اتمنى اكون زيك فى شجاعتك وطيبه قلبك اللى تسع الدنيا كلها