ဇီကျောင်းကနေပြန်ရောက်လာတဲ့တစ်ညနေ....မေမေကဆိုင်မှာရှိမနေဘူး။ ဆိုင်ကအမကိုမေးတော့ နေ့လည်တည်းကမေမေအိမ်ကိုပြန်သွားသည်တဲ့။ မေမေကဇီ့ကိုဘာမှမပြောပဲ ဒီလိုပျောက်မသွားတတ်ပါဘူး။ ဇီမေမေ့ကိုစိတ်ပူလို့ တွမ်နဲ့စာလုပ်မယ့်ကိစ္စကိုဖျက်လိုက်ပြီးအိမ်ကိုပြန်လာခဲ့သည် ။
အိမ်တံခါးဖွင့်ဖွင့်ချင်းတည်းက မေမေရှိုက်သံကိုကြားလိုက်ရသည် ။ ဇီ့ခေါင်းတွေပူထူသွားပြီး အိမ်ထဲကိုပြေးဝင်သွားလိုက်သည်။ မေမေကအိမ်ရှေ့ကဆိုဖာပေါ်မှာထိုင်ရင်းငိုနေသည် ။ ဇီမေမေ့ခြေရင်းမှာသွားထိုင်လိုက်ပြီး
"မေမေ..ဘာဖြစ်လို့လဲ"
"ဇီ့ရဲ့ကြီးကြီးဆုံးသွားပြီတဲ့..."
"သူတို့မေ့ဆီက ထွက်သွားကြပြန်ပြီ.."
ဇီမေမေ့ကိုပြန်ဖတ်ထားပြီးနှစ်သိမ့်လိုက်သည်။ ကြီးကြီးကိုဇီကသာဆူလွန်းလို့ သိပ်မကြိုက်ပေမယ့်မေမေကသူ့ကို အရမ်းချစ်သည် ။ ဖေဖေ့ရဲ့အမျိုးတွေထဲကဇီတို့ကိုကြိုဆိုတဲ့ တစ်ယောက်တည်းသောသူကကြီးကြီးပဲရှိသည်လို့မေမေကထင်သည် ။ ဇီကတော့အဲ့လို့မထင်ပါဘူး ကိုကိုကလည်းဇီ့ကိုချစ်တာပဲ...။
ဇီငယ်ငယ်တည်းကဆုံးသွားတဲ့ဖေဖေ့ကို ဇီသေချာမမှတ်မိဘူး။ ဖေဖေဆုံးတော့ ဇီနဲ့မေမေကို လက်ဒ်မြို့ကဖေဖေ့အမျိုးတွေကခေါ်ထားသည်။ ဖေဖေ့ရဲ့အစ်မကြီးဖြစ်တဲ့ကြီးကြီးကဇီတု့ိကိုထောက်ပံ့ထားရသည်။ ဇီဒီအရွယ်ရောက်တဲ့အထိမေမေကကြီးကြီးတို့အကူအညီကိုယူခဲ့ပေမယ့် နောက်တော့ဇီတို့အခုလိုပဲကိုယ်ခြေထောက်ပေါ်ကိုယ်ရပ်တည်ဖို့ရောင်းန်းကိုပြောင်းလာခဲ့ကြတယ်။
ကြီးကြီးဆုံးသွားတာနဲ့ပတ်သက်ပြီးတော့ ဇီဘာမှအရမ်းကြီးမခံစားရပါဘူး။ ကြီးကြီးကိုမချစ်လို့လည်းပါမှာပေါ့...မဟုတ်ရင်လည်း ဇီကိုယ်တိုင်ကသေဆုံးခြင်းရဲ့အဓိပ္ပါယ်ကိုမသိသေးတာဖြစ်ပါလိ်မ့်မည် ။ ဇီတော့အဲ့ဒီ့အရာကိုဘယ်တော့မှမသိပါရစေနဲ့လို့ဆုတောင်းမိပါသည် ။
ထိုညကပဲအထုတ်တွေထည့်ပြီးမေမေကလက်ဒ်ကိုပြန်ဖို့ပြင်သည် ။
YOU ARE READING
DIARIES
Romanceဆယ္ေက်ာ္သက္မိန္းကေလးတစ္ေယာက္ရဲ႕ ပထမဆုံးအခ်စ္တစ္ခု.... ထိုလူကနားလည္ရခတ္လွၿပီး လ်ိဳ႕ဝွက္ခ်က္ေတြနဲ႕ျပည့္နက္ေနခဲ့ေတာ့... စြဲလမ္းတမ္းတျခင္းေတြနဲ႕ တိတ္တခိုးခ်စ္ပုံျပင္ေလးတစ္ပုဒ္ DIARIES ဆယ်ကျော်သက်မိန်းကလေးတစ်ယောက်ရဲ့ ပထမဆုံးအချစ်တစ်ခု.... ထိုလူကနားလည်ရခတ...
