صدفه ياس

البارت الاول

المجد لنا نحن الذين تقوم قيامتنا داخليا

ولا يظهر على ملامحنا الا الهدوء والبسمة💞

وتين طول ليله البارحه انه كاعده ما غمضتلي

عين وابجي على حالنا إلي نكلب 180 درجه

البارحه خلصت اليوم كله اودع اهلي بعيوني

اريد اشبعهن منهم خلصت شغل البيت وكعدت

وي اختي سولفت وياهه وصيتهه على نفسهه

بدون ما اكلهه على نيتي شنو واول ما طر الفجر

كمت لبست هدومي ولفيت شال على وجهي حتى

اذا احد يشوفني ما يعرفني طلعت امشي على اصابع

رجليه ومن شلشتي نسيت اخذ فلوس اركب بيهم
عذراء الساعدي

وخفت ارجع واحد يحس عليه كملت طريقي للكراج

وانه لازمه كلبي بيدي لا احد يشوفني وصلت الكراج

كله زلم يردون ياكلوني بعيونهم بس انه مره بينهم

ودنيا الفجر شمطلعني مشيت توسلت بيهم محد قبل

يصعدني بلاش كلمن طالع على رزقه عفتهم وكعدت

على صفحه ابجي واندب بحظي واتذكر الماضي وشلون

جنت عايشه..........
عذراء الساعدي

ادم وتين خويه سويلي كلاص جاي وتعاي احاجيج

وتين صار دادا جيت كمت سويتله الجاي ورحت يمه

شربه ويباوع عليه حسيته خجلان يحجي فبادرت

وسالته شبيك خويه رايد شي ومستحي تكول

ادم بعد اخوج أنتي تعرفيني ماعدي زايده وناقصه

اروح بدربي واجي بدربي اكو بنيه وياي بالدوام كلش مؤدبه

وخوش بنيه خشت بعقلي حاجيتهه وكتلهه راح اجيب الاهل
عذراء الساعدي

وكالت هلا بيكم باي وقت وانتي بمكان امي الله يرحمها

اريدج توكفين لاخوج

وتين يوم المنا اشوفك عريس بعد كلبي بس حاجيت ابوي

ادم اي حاجيته وكال احاجي عمامك ونشوف شوكت نروح

وتين الله يكتب البي الخير

ادم امين يارب يلا خويه اخذي راحتج..........

وتين فزيت من صفنتي على صوت رجال رفعت راسي

طلع رجال بكد ابوي جايبلي لفه واستكان جاي طاني

ياهم ما قبلت اخذهم بس حلفني وخذتهن كلي بويه ولله لو عدي

جان اخذتج بس انه حالي على كدي ولو اطلع فلوس اللكمه

لو لا وبغداد مو قريبه عذريني يابه
عذراء الساعدي

وتين معذور عمو الله يرزقك ويكثر من امثالك
اكلت اللفه وشربت الجاي ورحت اطيت الكلاص

للرجال ورجعت لمكاني صارت الدنيا عصر وانه على كعدتي

محد حن عليه وقبل يوصلني كمت اجرب حضي مره ثانيه

ياس كاعد بالسياره توني نزلت الولد جبته من بغداد للبصره

شويه ردت ارتاح مشغل الراديو متابع برنامج اقتباسات شعريه

ما افوت حلقه منه لان كلش احب الشعر ودائما اشارك بالبرنامج
عذراء الساعدي

اتصلت وشاركت قبل لا اسده كلت انتي امرأة لا تتكرر في تاريخ الورد مرتين

جان تطلع بوجهي كمر لا الكمر شني الكمر يغار من جمالهه

سديت التليفون مدري شمرته حرت بهل الملاك الشارد

من الجنه بالرغم بس العيون طالعه بقيت صافن عليهه

اجتي كالت تأخذني لبغداد بس ما عدي فلوس فلوسي

وجنطتي نباكت ولله بس اروح الخوالي ارجعهم تحجي

وعيونهه تلمع دمع واني صافن باهت بوجهه مو مره حوريه

اني ما لي شغل بالنسوان بس هاي مدري شسوت بيه
عذراء الساعدي

وتين شفت الولد مبين مو راحه اجيت اروح توني التفت

جان اشوف ابوي وابن عمي جايين يركضون ويدورون

بدون ما اكله فتحت الباب وصعدت حرك حرك بسرعه

عليك النبي حرك

يأس شكو شكو بويه لا تورطيني

وتين جريت ايده جيت ابوسهه سحبهه مني

ياس انتي شوراج كاتله بايكه مهزومه

وتين التفتت جان اشوف ابوي ياشر باتجاهنا واني كلبي

وكع بحظني..............