صدفه ياس

البارت الثاني

انا كومه القش التي اتهموها💞

زورا انها تخفي الابره كي يحرقوها💔

............ 🌼🌼 .............

وتين من ألتفت وشفت أبوي ياشر متت

من الخوف لأن هوه شكد

حنين ويانه بس من واحد يكسر
كلمته يعامله معامله العدو

حسيت ريكي نشف وأني
اباوع عليهم من بدو يتقربون

شهكت شهكه طلعت من كل كلبي

ياس اباوع عليهه شون صفنت عليهم

ومبينه خايفه تقريبا وضحت الصوره

عدي بس ضليت ساكت ردت اشوف
وين توصل وياهه

وتين فدوه لعينك حرك مو كلبي
عذراء الساعدي

راح يوكف واموت وابليك

ياس حركت كلبي وغيرتي ما سمحتلي اخليهه تتوسل أكثر من هيج

حتى لو مسويه شي مو زين قررت

اساعدهه حركت السياره وهيه عينهه عليهم
ودموعهاما نشفت

بعد ما حاجيتها ولا باوعت عليهه لأن

مبينه خايفه كلش.....
عذراء الساعدي

وتين من مشت السياره وبعدنه عنهم يله

تنفست جنت بيني وبين الموت شعره

لو ما لطف الله صفنت أفكر بالمجهول الرايحتله

بيت خالي صرفت نظر ما اكدر اروحلهم

لان إذا رحت ما راح احصل شي

اكيد يا راح يرجعوني لاهلي يا اهلي يلكوني
ومستحيل بعد ارجع للقفص الي رادو يسجنوني

بي لأن أحب نفسي واريدهه تبقه حره
راح تكولون انانيه بس أنه مو هيج
حب النفس ليس انانيه بل هو شي مهم 💥

هاي العباره دائما ارددهه الى ان اجه اليوم
الي طبقتهه بي.......

قررت اخليهم اخر خيار ألجأ اله بس حرت
وين اروح وين اطي وجهي وانه ماعدي حتى فلوس

ضليت حايره ونسيت انه وين وين رايحه
عذراء الساعدي

لحد ما فززني الولد..
ياس بويه انتي وين تردين ترحين هاي بغداد وصلناهه

وتين باوعت الساعه بالتسعه بالليل

وانه وحدي خفت وين اطي وجهي للحظه تندمت

لأن طلعت من بيتنه لو ضاله هناك وعايشه

الواقع الي جبر نحطيت بيه وتحملته
عذراء الساعدي

ولا هل هجوله الي راح اتهجولهه
رجع الولد فززني من صفنتي وسالني وين تردين بدون

وعي وبلا ما احس على روحي كتله للكاظم هوه هم

ما كال لا واخذني
وصلنه ساعه ب١١ بالليل كالي هاي الكاظم

وصلنه
وتين باوعت عليه وحسيت بخوف ماعرف شون

امنت بيه وصعدت وياه وطول الطريق

جنت مرتاحه وجني صاعده وي احد من اهلي

...........................

بس من كلي وصلتي يله بويه نزلي وراي طريق

خفت مثل خوفه ذاك اليوم الاسود ونزلت دموعي

ياس شفتهه تبجي لو تخبلت انتي

شنو سالفتج شارده من اهلج
مسويه شي غلط..
حاجيني

حتى اساعدج

وتين ها لا لا انه كلشي ما مسويه بس اريد
ازور

ياس بس انتي من وكفتيني كتيلي

من اروح لخوالي
اطيك فلوسك اشو جيتي
عذراء الساعدي

للكاظم لعد خوالج وين ااني اريد فلوسي
لو تطيني غير شي

وتين من كال هيج صفنت بوجهه بعدين

استوعبت كلامه جيت انزل جان قفل السياره.......