صدفه ياس

البارت التاسع

سوالفنه صحيح زغار

بس الوجع تارسهه اكو

حجايات ما تنكال جوه وينسمع

حسهه❤

******   💕💕  ******

كامو وكالو لبوي فكر وردلنه

خبر وحط بالك ترا مالنه مايروح

لغيرنه اودعناكم

اباوع لبوي وجهه صار اصفر بكد ما شخصيته قويه

واعتبره قدوتي بالحياه بس كدام عمي

هل شخصية تضعف كلش

ما اعرف شنو السبب ولااريد اعرف

عسل وتين خايبه وتينه

وتين ها عيني

عسل يله دادا كومي شبيج صافنه صار ساعه

محمدنه ديحاجيج وانتي ماكو بيج شي

وتين ها لا هيج ماكو شي بس تذكرت شغله وصفنت بيهه

يله امشينه طلعنه من الحديقه

بس الصراحه تونست كلش خففت من

همي والجره علي ذيج الفتره دورات

شغلات بسيطه تغير كلشي جواك وتنسيك

همومك وماضيك بس هل شي مؤقت

بس انفرد بروحي تنعاد ذيج الليله ببشاعتهه

بموخيلتي وكانو صارت اليوم

صعدت توني كعدت صارت عيني بعين ياس

مبين مطفي بالكوه مفتح عيونه

تونه حركنه وعسوله خبصتنه تريد موطه

نزل محمد جابلنه كلنه همه اكلوهه بالسياره وانه ضلت

بيدي ما اكلتهه استحي عاد من رجعنه كلناهه انه وعسوله

وذبينه رواحنه مثل الموتى وهاي اول مره من بعد فتره طويله

انام من دون ما اتذكر او افكر بشي

كعدت من الصبح عسوله تندهه بيه ها خايبه شتردين

عسل حبابه كعدي ضفري شعري ما اعرف

اضفر نفسي والمديره متفوتنه اذا مضافرين

من وره كم قليله ادب يجن نافشات شعافيهن

عبالك موليات لحفله

وتين يا حبيبه اعصابج تعاي انه امشطج

واحبنج بعدهم خيولن بعدين شمالج الضفر

زين للشعر كعدت ضفرت الهه وحاولت اغير الهه الجو

لان مبينه باجيه ومحتركه اعصابهه كلش

ما ادري شبيهه عسل عايشه بشخصيتين احسهه