صدفه ياس

البارت الخامس عشر💜

وان خانتك اختياراتك

فلن يخونك لطف الله

ولن يخذلك انقاذه❤

*******💕💕*******

طلعنه انه وعسوله ما لكينه ياس

تدك عليه ميجاوب اجيت ابجي

اله شويه كالت تعالي نكعد هنا

هسه يجي وين راح يعني

كعدنه خمس دقايق واجه محمل

علاليك ركضتله عسل

وين رحت يمعود عبالي عفتنه ورحت

وين اعوفجن خبله بس رحت اشتريتلي كم شغله

ورجعت انتو خلصتو

اي من زمان صار ساعه منتضريك

يله لعد امشو ناكل ونطلع

رحنه اكلنه وطلعنه رجعنه للبيت

لكينه باب الاستقبال مفتوح بيهه محمد وولد

فتنه جوه الحجيه نايمه

رحنه للغرفه ضمينه الغراض وبدلنه وطلعنه بره كعدنه نسولف

شويه وكعدت الحجيه صاحتني للغرفتهه

فتت لكيت العلاليك الجابهم ياس يمهه

ها خاله محتاجه شي

اي تعالي يوم

كعدت يمهه وهيه تباوعلي وتبتسم

انتي مو تكولين احسج مثل امي وعوضتيني حنانهه

اي الله شاهد

لعد البنيه من امهه تجيبلهه شي تاخذه وتكيف بيه

وما ترد هديتهه واني وصيت ياس يجيبهن

والفلوس اني نطيتهن اله مو منه

فاريدج تاخذينهن ولا تردين امج

خاله بس مو هيج تكلفين نفسج ولله هوايه

لو امج موجودة تجيبلج أكثر يله اخذيهن وكومي اني

تعبانه وما بيه احجي يله يله

وتين كمت بستهه واخذتهن وطلعت

بس مخنوكه خنكه بس الله يعلم بحالي

ناس غرب وهيج وكفو وياي وهمه كلشي ميعرفون

عني واهلي باعوني اخخخخ يا كلبي عجيب

شلون بعدك تدك وما وكفت

سحلت روحي للغرفه طبيت وسديت الباب

عسوله نايمه شمرت العلاليك وذبيت روحي

عالجربايه ونفجرت بالبجي

..............

ما بقه شي لعرس ادم طاح حضي بالشغل