صدفه ياس

السادس والعشرون

مثل العود من يذبل... بلايه وداع

ومثل الماي من ينشف.. بلايه وداع

تدريني هرش واوجرت بيه الكاع

يارخص العشك من ينشره وينباع

*****************

تغدينه وكملنه وكعدنه كلنه نتعلل

لهناك ودك تليفون الحجيه ردت

بعد السلام والسوال كالت

انخطبت المن

اي بالخير عليهه انشاء الله

مع السلامة سدت التليفون وشمرته

بس حسيتهه اضايقت

سالت عسل منو الخابر باوعت لياس

وكالت رشا نخطبت

وعسوله هلهلت

الحجيه خزرتهه واشرتلهه على ياس

عسل شنيه شكو تخزيني تره ياس ما مهتم الهه

يا فلك فضحتني عود خزرتهه ماردت احجي ويسمعون

ههه منو كلج تخزرين استلمي

ياس باوعلهم وحجه شسالفه تره لا عبالكم

ضجت بالعكس فرحان

خل تزوج بلكي نخلص من شرهه

ردوو يسولفون عادي

شويه وكمت احضر لان عكبه الدوام

طبت عسوله تعرج

ها خيه تردين شي

لا كلبي ما اريد بس شايله هم شون

راح اداوم

اخذي اجازه احسن

لا قلبي لاا اني ما اتغيب عن دوامي عمري

طبج طوب داومي وانتي عرجه شعلي بيج

ضحكت وراحت حضرت هدومهه وانه هم خلصت

بالليل الحجيه كالت باجر نطلع نشتري ملابس

للخطبه نمنه من وكت والصبح طلعنه للسوك

الحجيه خلتنه نشتري فساتين طوال

كالت حتى تاخذون راحتكم بيهه

كملنه وردينه للبيت تونه طبينه ونسمع

صوت مره تتماوع بالمطبخ

وصوت ياس يضحك عسل فركت اذنهه

تتاكد السمعته صح لو لا

والحجيه فتحت عيونهه وضربت على صدرهه

عسل رادت تطب ماخلتهه هيه راحت

شويه وسمعنه ضحكتهه طبينه ماكو مره

عسل ياا لعد وين راحت البنيه الجانت تضحك

هذه محمد يوم جاي يشتغلون

وخطيه عاش الدور

ياا محمد والله صوتك بيه انوثه أكثر مني