صدفه ياس

الثامن والعشرون

تظن بانك فعلت ما ينبغي

ليزول وجعك لكن الامر اشبهه

بان تسحب خيطا ضئيلا منسل

من طرف الثوب تسحب وتسحب

حتى ينتهي كل القماش

تستنزف وجعا تلو وجع

***********************

احتريت شمرت الغطه واني أضحك على روحي

والكه وتين فوك راسي

يماا سلاما قول من رب رحيم

شبيج تتمضحكين وحدج شني مخبله

لا بس تذكرت سالفه وضحكت

هاا وشني هيه السالفه

اليوم تعاركت ويه صديقتي لان مسمعت كلامهه

وكعدت ضليت افتر تالي هاجت رجلي عليه

وهيه استلمتني اكس مربع

وكفختهه بنص الشارع وعافتني وزعلت

ياا فوك ما تخاف عليج جيره

بس ما ادري ليش احسن السالفه ناقصه

لا هيه هاي كولهه

براحتج يله كومي نتغده

طلعنه تغدينه ولمينه المطبخ وكلمن راح

لغرفته...

ودق طلعت لكيت ابوي وعمي وابنه علي واكفين

شني السالفه شكو ووين رايحين

ضليت واكفه واباوع عليهم

وصاح عليه علي تعاي صعدي همه من شافوني

صعدو ابوي وعمي كعدو بالصدر واحنه وره

طول الطريق افكر وين رايحين

واخاف اسال ابوي ويفشلني فختاريت اسكت احسن

لهناك ووكفت السيارة

كبال المحكمه باوعت لبوي شنسوي هنا

راح يعقد عليج علي

لا بويه بروح امي لا تسويهه ما اريد ازوج

خليني خدامه عدك ولا تزوجني ابوس ايدك

شوفي اذا ما نزلتي اتبره منج العمر كله فهمتي لو لا

نزلت وانه مجبوره ماعدي غير حل

امشي جسد بلا روح

انه شذنبي بكل الصار ليش عاقبوني بذنب

انه مالي شغل بيه ليش حرموني الحياه

ما اكدر ادعي على الباعني او الشمرني لانه ابوي

قطعه من كلبي وروحي كلما اريد الومه او ازعل منه

تصير كدامي ايامنه الحلوه شون جان مدارينه

ويحبنه وكلشي نريده يسوي

شنو التغير شكلب حاله علينه معقوله الانسان

بسرعه يكره ويحقد بهل سرعه

عقدنه وطلعنه وانه كلشي ما سمعت

مو وياهم ابدد طلعنه وردينه للبيت

وبدت مره ادم تجهز نيشاني بامر من ابوي

هههه شون دنيا لسه اتذكر شون جنه فرحانات انه

وتين لان ادم راح يتزوج

وجنه نخطط شون نكضي يومنه سوه وشنسوي تالي

انه بدنيا وتين بدنيا وهيه ضلت بيتنه

وما تهنينه بالمه خطيه جانت تبجي

وتكول من طبيتلكم بيتكم نكلب كلاب

كاعده واسمع هوسه بره

طلعت لكيت ورده مره ادم واكفه وتضحك

ها ولج شكو

خاب وعلي لو ما عيب من عمي جا هلهلت

يا شكو احجي

حميد الجلب مصوب وبالمستفشى

عساه بالموت حوبه يتيمه

عفتهه ورديت للغرفه وبعد ماطلعت

ولا شفت احد منهم بس روحي مرتاحة

وتين العصر طلعت انه وياس وعسل نتسوك

ما ردت اروح بس لحو علي ورحت

وعسل منا تعرج بس ما دام طلعه تركض ركض

تونه طبينه للسوك وهيه كامت تجر بروحهه جر

احتارينه بيهه وياس كلساع يكلهه اشيلج

وهيه تكله لا عاد بسرعه تسوكنه وطلعنه

بالطريق فتنه من الحديقه الجنه نكعد بيهه صار

هواي ما جايين لان الحجيه صايره

تتعب بسرعه فكمنه نسوي الكعده بحديقتنه

تذكرت اول يوم اجيت بي الهه شون تونست وابتسمت

عبرناهه وانه التفتت اباوع عليهه

منا لحد ما ختفت درت روحي والكه ياس يباوعلي

مبتسم بساع درت وجهي عالجامه

ما دري احس باحساس غريب من اشوفنه

لهسه ما فسرت غيرتي عليه من مروه

كمت اتجنبه

وصلنه وكلمن نزله شغله رادو مشاوي

وياس تكفل بالشوي

جهز شغلاته بالحديقه واحنه سوينه الزلايط

والفواكه وطلعنه يمهم كعدنه نسولف

علما يجهز الاكل لهناك واندك الجرس

كام محمد فتح الباب انه كعدتي صايره كبال الباب

هوه فتحه بالبداية جان ساد

الباب بجسمه ماشفت منو بس من وخر نصدمت ب....