بداخلي اربعه اشخاص
الاول يبكي
الثاني يريد الموت
والذهاب للابد
الثالث يتحمل كل شي
ولا ينطق بكلمه وحياته
مليئه بالسواد والرابع
يريد ان يكتب ليخرج كل ما
بداخله والاخر يبتسم لإخفاء الاربعه💔
*******💕💕*******
خلص الاسبوع عادي ما كو جديد
اليوم اول يوم دوام كعدت فرحانه
وكلي نشاط ممصدكه راح ارجع
اكمل واحقق حلم امي اي حلمهه
جانت من وانه صغيره تجيبلي العاب مال دكاتره
سماعات وهل سوالف وهيه تكعد تلعب وياي عود
هيه مريضه وانه اعالجهه
جانت تكلي اريدنج تحققين حلمي
وتصيرين الانه ما صرته اريدج تصيرين
دكتورة وارفع راسي بيج
من ماتت صح جنت مو كلش صغيره
بس بعدني ما شبعت منهه
راحت وعافتنه وحدنه ابوي ما تزوج
لخاطرنه ما راد يجيب النه مرت ابو تحكمنه
بس انه جنت مرات اسمعنه يخابر ويضحك بالليل
ومره سمعته يحجي وي عمي كله شلك بدوخه
الراس يوميه ماخذ ومطلك اثبتلك على وحده
من شافوني سكتوا وانه غلست
اليوم انه اباوع بالمرايه ومفتخره بروحي برغم
كلشي صار اصريت اعيش برغم الذل الشفته
بذيج الايام بس هسه رجعت لكليتي وباجر اتخرج
واكسر عين الراد يكسرني اول مره اشوف نفسي
قويه من دخلت لبغداد اول مره افرح لهدرجه
والفضل كل الفضل الياس واهله
صارولي اهل وسند عوضوني حنان اهلي
ونسوني انه غريبه عنهم
نكتت الافكار من راسي وفتحت الكنتور وصفنت شالبس
انمدت ايد من وراي ونسحب قميص اوف وايت
كلش حلو ونازك التفتت عسوله توهه كاعده
صباح الحلوين
عسل صباح الدوام باع الوجهه مشالله عساج دوم فرحانه
بعد عيني انتي ما اعرف شون اجازيكم
بله ما تنجبين شهل حجي الماصخ روحي بدلي ماما روحي
ضربتهه على راسهه ورحت للحمام صرت وجهه بوجهه
وي ياس توه طالع ولاف الخاولي على راسه أبتسم وصبح
صباح العافيه شلونك
تمام اليوم اني اوصلج اليوم انشالله
انشالله بس احضر نفسي ونتريك
على راحتج كلبي
كتله بثول هاااااا
شنوو شكو
لا هيج عفته ودخلت للحمام سبحت وبدلت وطلعت للغرفه
بس فتت نجريت من قبل عسوله الف يمين
ما اطلع اذا ما تمكيجني يابه عدلي بدلي
ماكو تالي استسلمت الهه لان ما اكدرلهه
بعد من تضل تصلي تكول كلاشنكوف يبوو
كعدت تمكيجلي بس خفيف حلو وجهي برز صار شكد
ممكيجه كمت مشطت وهيه راحت تبدل
خلصت لفيت الشال وطلعت اركض اسوي ريوك راح نتاخر
توني جاي اصيحلهم واجه ياس صفن بوجهي
كتله خلصت تفضل بين ما اصيح عسل
ياس هااااا
خلصت تفضل بين ما اصيح عسل
اي عاشت ايدج
رحت اصيحهه لكيتهه واكفه قريب باب المطبخ
والضحكه شاكه الحلك
يا عليمن تضحكين
شعليج انتي
عافتني وراحت كعدت مخبله هاي رحت اكلت وكمت عالسريع
غسلت ماعوني وطلعت اكمل نفسي حتى نطلع
شويه واجت عسل كالت ياس منتضرج
اخذت الجنطه وطلعت
كاعد بالسيارة منتضر طلعت فتحت الباب الوره جاي اصعد
جان يكول يول تعالي هنآ كدام ما اكل بشر
قابل ماخذتني كروه وكاعده وره
ولله فشلت فشله
سديت الباب وكعدت بالصدر بس شنو لازكه بالباب
يابه دني شسالفه لا توكعين وتبليني
دنيت يمه شويه بس حتى النفس بالكوه اجره مستحيه
منه كلش ما عولت وصلنه الدرب صار
شطوله تونه نزلنه من السياره وطلعت بنيه بوجهنه
اباوعلهه صفنت على ياس ودمعت عيونهه
التفتت على ياس هم صافن بيهه
هاي منوو......
أنت تقرأ
صدفه ياس
Acakأن تبتر بعضك لتنقذ بعضك الآخر هل تعرف هذا النوع من الخيارات💔 البعض الي بترته همه اهلي عزوتي والسند عفتهم حتى احافظ على روحي ماردتهه تنكسر ولا تنذل بسبب بشر ما تسوه
