صدفه ياس

التاسع والعشرون

لقد رأيت الثقب في سفينتك

منذ اليوم الأول للرحله لكنني

قررت الابحار معك ظنا مني

ان الحب يفعل المعجزات

*******************

اندك الباب كام محمد فتحهه

إنه صايره كعدتي كبال الباب بالبدايه

ما شفت شي لان محمد ساد الباب بجسمه

من وخر وانصدم برشا وخطيبهه

يا صخام نازعه الحجاب

والتنوره جوه الركبه والشعر مفتوح

وكايده خطيبهه وطبت تتمختر

وانه وعسل وحده صافنه على الثانيه

طبو سلمو وكعدو وهيه بعد شويه وتكعد بحضنه

عسل تباوعلهه وتنافخ انه اجيت اكوم

ما خلتني

ياس اجه سلم ورد يشوي ومحمد اندمج وي

خطيبهه خوش ولد مبين

خلص ياس كمنه نحضر حتى نصب

وعسل حارت شحجت عليهم

طلعنه الاكل للحديقه الجو حلو ناكل

وعينه على عنتر وعبله على كوله عسل

واحد يوكل الثاني ويتغامزون ههه

عاد عسل ما تحملت وحجت

شني السالفه نحنو هنا استجنو الولد استحه

بس رشا ضحكت وردتهه

لازم غرتي اذا تردين اشوفلج رجل

هههههي ضحكتيني لويش دا اغار حبيبتي

اشو عايشه ملكه بجال اخوتي

ودا ادرس وممحتاجه شي

شلي بالرجل كلبي اغار لان يوكلج ياس

يوكلني ويشربني ويشتريلي ويطلعني

وكله حبيبي وحياتي العدهه مثل اخوتي

متغار حبي

اباوع لياس باوع على رشا وهز ايده

خلصنه اكل كمنه صبينه عصاير وكعدنه

انه وعسل على صفحه وهذيج

مستمره ساعه تمسح بلحيته ساعه

تلزم ايده ساعه تبوسه بخده يبووو شكد

عيب هاي شمالهه متستحي

من ولد خالتهه

لج هاي فد وحده استغفر الله مو اني ما

اريد احجي بس هنه يحجن

الواحد كوه بت الزفرين

ضلينه كاعدين بس بالكوه متحمليهم