صدفه ياس

البارت الثامن عشر

من سيصدق الخراب

الذي بداخلك وانت

تبتسم طوال اليوم💔

*******************

سكتنه شوي جان يكول

تردين تعرفين هاي منو

باوعت عليه وهزيت راسي

جر نفس قوي ووكف السياره وبده يحجي

اني من زغري ما عدي حظ وخاصه بالحب

قبل لا ادخل كليه حبيت بنت خالتي

واتفقنه بعد التخرج نزوج تالي

باعتني وزوجت استاذهه ضليت فتره

عايش جسد بلا روح امثل على اهلي اني

بخير ما بيه شي بس أني ميت

مو سهله تنخدع والاصعب

من تنخدع من شخص جنت تسمي روحي

تدرين ليش عافتني عافتني علمود جيبي فارغ

راحت والله ما وفقهه لان كسرتني واذتني

بكلامهه الله يدري بالكلوب شنوو وأني ما عندي
دغش هيه الباعت

وباعتني برخيص وره فتره من زواجهه نفصلت

واجت تريد ترجع تدرين حسيت نفسي انتصرت من

رفضتهه خليتهه بنفس الموقف الخلتني بيه بس

ما كسرتهه مثل ما كسرتني للاسف

بعد فتره صار موقف ويايه وتعرفت على بنيه

نطتني رقمها وضلينه نتخابر كمت انجذبلهه

وتطورت العلاقه بعد ما شفتهه خوش بنيه

واخذت الحجيه ورحنه خطبنه

بعد الخطبه اشو هاي نكلبت

انته وين طالع وويامن

لو من تخابر واكلهه كاعد يم امي كوم منهه اني

اغار وهل سوالف بعدهه كامت تدزلي محادثات

عود اني احجي وي بنات وصاحب علاقات

وابو نسوان يابه جذب مو أني ماكو مصدكه

زين هل محادثات منين جبتيهم كالت وحده من

صاحباتك دزتهم نطيني احاجيهه ها حتى تعرفهه منو

وتاذيهه طلعتني سرسري كلش

كتلهه هسه أنتي مصدكه بيهه ومجذبتني صار شكد

وياج يوم تجاوزت بالكلام لو تعديت حدودي

كالت يبن الناس لا وحده ولا ثنين حاجني قابل

اجذبهن واصدك

كتلهه هاهي اني ابو نسوان ودربي اعوج

تكملين وياي لو لا

كالت كلمن يروح بدرب

الله يوفقج بس بيوم متعرفين الحقيقه اياج

تحاولين نرجع تره تندمين ومحمد

تالي فسخنه الخطبه وكلمن راح بدرب وره فتره

خابرتني تبجي كالت نضحك عليه

واني اسفه ومن هل حجي

كتلهه اني ما اريد وحده تبيعني
وحده تعوف ايدي وتمشي

وحده ما تصدكني وهيه تعرفني اني شنو

هاي ما امن على حياتي وياهه روحي بدربج والله يسهلج

من يومهه نكطعت اخبارهه واليوم سبحان اللة

شون صدفه طلعت بوجهنه

ااااااه شنو من دنيا كل ناسهه غداره وخداعه

وناكره وتبيع بسرعه ليش احنه شمسوين

لو لان ماشين عدل هيج متلطمين بدنيانه

ليش الفقير الما عده حقاره متاذي دوم

ليش اريد افهم ليش دومنه كسرتنه وحركه كلبنه

تجي من اغلى ناسنه ليش تجي من القريب المامنله

الي تكعد يمه وانته مرتاح مراح تتاذه وتعتبره

سندك ويحميك من المخاطر

تالي يجي يوم وتكتشف الي سلمته

روحك وعشت يمه وانته متاكد مراح ياذيك

هوه الي يموتك ساعته الضربه تصير ضربتين

وضربتين عالراس توجع والله توجع

يعني اله نصير مثلهم حيوانات يله نعيش مرتاحين

ليش هسه انه هيج حالي ليش محد صدكني

ووكف وياي ليش الكل باعني واولهم اهلي

ياس هاي دنيانه بويه الضعيف بيهه ما يعيش

كاعدين بغابه احنه كلهه ذيابه وحيايه

متعرفين منين تلدغين احسن حل

تعيشين لوحدج لنفسج وبس

هيج محد يكدر ياذيج طول ما انتي بعيده

كافي ممكن تره اني من اتعصب او انقهر اجوع

واتمرض فخل نسد الموضوع ولو جنه مطول

يله ينسد وراح نتعب

ليش مطول شنو قصدك

بعدين تعرفين

هل بارت نزلته لخاطر بنوته زعلت عليه لان ما عرفت البنت

الشافوهه منو هسه تصاحبنه موو

واعذروني اذا اكو اخطاء لان كتبته عالسريع ومراجعته