صدفه ياس

البارت الرابع عشر💜

لا تتمادى في اغلاق عينيك

من الحزن فربما تمر امامك

فرصه ولا تراها❤

*******💕💕*******

وتين كعدت الصبح على صوت عياط عسل

يا ستار شصاير كمت عالسريع حطيت

الشال على راسي حتى ما

لفيته وطلعت اركض

عسل واخيرا كعدتي يله تعالي نحتفل

بيج بمناسبة رجوعج للدوام

وتين صدك تحجين خرب ابليسج متت من الخوف

عبالي احتركتي مدري شكوو

الحجيه هاي عسوله وخبالاتهه

كتلهه انتي روحي كعديهه

تكلي لا خل نسوي شوية اكشن

يا اكشن وانه صار بيه سكر من الهبطه

الحجيه هههه سوده عليه ييمه تعالي خل ابوسج

ما بيه اكوم اجي يمج

وتين رحت حضنتهه وبستهه هل مره

عوضتني حنان امي وخففت من همومي

لولاهه جان متت من زمان

كمت احتفلنه عسوله مسويه كيكه ونفاخ

خلصنه وهي نظفت ما قبلت اساعدهه

كعدنه انه والحجيه سولفنه شويه

جان تكول العصر تطلعون انتي وعسوله

وياس تشترون ملابس

للدوام ما بقاله شي

وتين خاله ماله داعي انه ما اريد اكلفكم مو

كافي كلشي سويتوه من اجيت الهسه

انه اروح بالعبايه احسن واحلى

وتينه لا تزعليني منج شهل حجي هذه

شنو انتي غريبه راح يصيرلج سنه

هنا وصرتي من اهل البيت

بعدين شجاي نجيبلج بنطرونين وقميصين

وشال وحيد اسود يكعد وي كلشي وهاهي

وتين اذا هيج هاهيه

اي يمه هيج اريدج لا تشلعين

كلبي هاي لو عسل جا كامت تركص

عدهه عيد من تكليلهه تعالي اشتريلج ملابس

وتين هههه الله يحفظلج ياهه خاله هنه البنات يحبن

يجمعن ملابس

لعد وانتي ليش ما تحبين

انه هم جنت اكيف عالشرايه بس هسه

كلشي ما يهمني وعدي اضل بثوب واحد

على انو اعيش مرتاحة البال على كلبي احلى من العسل