صدفه ياس

البارت التاسع عشر

الحقيقه انني انهار يوميا

عده مرات وانهض ارمم

روحي دون ان يشعر احدهم

بما يحدث داخلي❤

*************************

الطريق كله انه افكر بكلام ياس

طلعت مو بس انه متعذبه ومخدوعه بناسي

حتى هو وانخدع مرتين مره من بت خالته

ومره من خطيبته زين منو الي سوه لعبه المحادثات

حتى تفرقهم هل سالفه راح تضل

تاكل بكلبي اكيد عرف منو سواهه بس

استحي اسأله بعد وهوه سكتني

وصلنه للبيت وثنينه ضايجين ثنينه

نفتحت جروحنه اليوم وهاجت علينه نزلت كبله

سمعت صوت سوالف وضحك بالبيت من دخلت

طلعت خالتهه والمكموعه رشا سلمت ودخلت للغرفه

مالي خلك احد كلش بدلت وطلعت توضيت صليت

ونمت فزيت الدنيا ضلمه طفرت من الجربايه باوعت

الساعه ب 9بالليل هاي شكد نمت

طلعت الحجيه ومحمد وعسل كاعدين بالصاله سلمت عليهم

الحجيه شبيكم امي انتي وياس من جيتو لهسه

نايمين اكو شي احجي

لا خاله كلشي ماكو بس تعبت اليوم ونمت

الله يوفقج امي

رحت توضيت وصليت طلعت من الغرفه صار ياس

بوجهي توه كاعد من النوم

ياس بروح امج ميت جوع من الصبح لهسه

مماكل لو تلحكين عليه لو لا

ههه صار من عيوني

الحجيه تقرا قران مارادت تتعشه ومحمد طلع مدري وين

سويت النه وعسوله متعشايه بس هم رادت

خلصته وكالو فرشيلنه بالحديقه

وكعدنه ناكل كل شوي ياس يباوعلي ويدنك

خلصنه اكل وعسوله اخذت الصينيه

تغسله ضليت كاعده رجلي خدرانه

ياس كام غسل ورجع

اليوم حجيتي شويه عن ماضيج

بس اني ما جنت منتبهه من رجعت وصفنت شحجينه

يلا اذا تردين تحجين اسمع

مو وكتهه ما اريد اتذكر الصار

بس صدك لو كالو الاقارب عقارب

طبعا مو كلهم بس الاكثريه هيج

زين انه اكدر اسالك سوال

اي كولي