صدفه ياس

البارت الثالث والعشرون

رغم كل شي نقوله

او نكتبه يبقى في

القلب اشياء اكبر من ان تقال

**************

اجه اليوم الصار لازم

احجي بي كلشي الصار وياي

والي جنت احاول انساه او اتناساه

اليوم لازم ينكشف حتى اذا

يصدكوني ابقه بهل بيت

وإذا لا اذا لا شراح يصير بحالي ووين اروح ما ادري

تعبت من كثر التفكير والبجي

احس راسي صار هل كبره وعيوني نقفلن

بعد ما دريت بالدنيا نمت وبالحلم

نعاد شريط ذاك اليوم الاسود كله

فزيت من نومتي مخروعه

والنفس كوه اجره جنت محتاجه

احجي الصار لان اذا اسكت بعد انفجر

بس بنفس الوقت خايفه وما اريد احجي

خايفه من رده فعل الحجيه

بس هم ما عدي حل غيره

سحولت روحي بالكوه وطلعت من

الغرفه لغرفه الحجيه لكيت ياس يمهه

بس شافني انصدم حسيته من شكلي

وكام طلع الحجيه باوعتلي ودنكت

كعدت يمهه

يمه تدرين مالي عين اباوعلج بيهه

يشهد عليه ربي وروح امي الي ما شبعت منهه

وضاله بحسرتهه ماردت اجذب عليج

بس ماجان عدي غير حل ماكدرت

احجي ليش نهزمت من اهلي

خفت وهواي هم تهورت بيوم الطلعت

من بيتنه بس ادري لو باقيه جان هسه ميته

من القهر وشابعه مي ورد

يمه اريدج تصدكيني وتوكفين

وياي كلبي ميتحمل صدمات بعد من الاحبهم

يكفي اهلي باعوني برخص وما صدكوني

وصدكو بواحد سكير وسوالفه مكسره

وهمه يعرفونه شنو

بس وكفو وياه لان هوه زلمه وانه مره

مكسوره جنح ماعدي ام توكف بضهري

الردتهم عون بوكعتي صارولي

فرعون يمه رادو يطوني لاتعس

خلق الله وكلهه وكفت ضدي

كافي امي حتموتين اني مصدكتج بدون متحجين

هاهيه اسكتي

لاا ما اسكت لان انه اذا سكتت اموت