صدفه ياس

الواحد والثلاثون

لا تكن سجينا لماضيك

لقد كان درسا فقط وليس حكما مؤبدا❤

********************

ودق طلع وطبت ورده تهدي بيه وتكلي لو

مسايرته واجيبه بالحبيبي والحياتي

جان اجل العرس شكد متردين

وانه نهديت بيهه وطلعت زعلانه

من حركه كلبي نمت بنص الهوسه

السويتهه بالكاع بلايه غطه وفراش

كعدت الصبح فازه كمت جني مخبله ابجي واملخ

بروحي انه ما انجبر انه ابوي يطيني جبر

ليش شمسويه اخخخ يوتين مدري الومج مدري

انقهر عليج لان المريتي بيه اكبر وابشع

من الصار وياي

كمت صليت وشكيت حالي لرب العباد

وحاشاه يرد عبده خلصت وتمددت عالمصلايه

ميته من الجوع وبنفس الوقت مالي نفس اكل شي

عيوني كامت تغوش وريكي من البارحه يابس

مثل الخشبه اشرب ماي وارد ليوره

وجني ماشاربه من اسبوع

من الم راسي ودوختي مدري شون نمت

حلمت بأمي كاعده بحديقه بس شكلهه يجنن

حليانه اكثر من قبل كاعده تباوعلي ومبتسمه

وتأشرلي امشيلهه وتزيد المسافه اكثر

كلما اكول وصلت الكيهه بعيده اكثر الى ان

هيه كامتلي واجتني

حضنتهه وبستهه كتلهه يمه اخذيني

وياج ما اريد ابقه يمهم ذلوني

باوعتلي وعيونهه مدمعه مسحت على راسي وختفت

كعدت انه بغرفه كلهه بيضه وريحه الديتول تخنك

التفتت ادم وابوي نايمين على الكراسي

مديت ايدي اريد ماي ايدي ترجف بس لزمته وكع

ونكسر على الصوت طفر ادم صبلي ماي وشربني

بدون ميباوعلي ورد نومني وكعد بمكانه

لهناك وفات الدكتور فحصني وسألني شأحس

سأله ادم شطلعت النتيجه

كاله مثل متوقعت وادم ضرب على راسه

باوعت لصفحه ابوي لكيته يباوعلي وعلى وجهه

طايحه دمعه شني السالفة شبيه

وتين اخذت الصينية وطبيت للاستقبال بس

شافوني ابتسمو

سلمت عليهم وقدمت العصير

اجيت اطلع صاحتني الحجيه اكعد يمهه