حنين الدم للدم لهجة عراقية وتتوفر فصحى على مكتبة نور

الفصل الثالث

تعليق وتصويت ضروري حبايب واني كلما اكتب شوية راح انشرة الكم واحاول ما اتاخر عليكم بس انتو ساعدوني بالتفاعل 

حنين الدم للدم

كتابة رؤى صباح مهدي

الفصل الثالث

ما اهتم معصوم بالكلام الي كاله سامر لان ميريد يتدخل باي شئ يخص عائلة الوزير ولا اولاده انتظر معصوم ابنه بالحديقة البرة لحد ما طلع وسامر ظل لازك بي يحجي ويا ومعصوم يهز براسه بنفاذ صبر وما صدك شاف رزاق حتى يشرد من سامر. ورة ربع ساعة طلب حسان من راهي ان ينفرد بي وهالمرة بس الوزير والشيخ بقوا بالغرفة ومسعود وسامر انتظروا برة سأل مسعود سامر مثل الطفل الي يتلمس طريقة بالظلمة:

-انت تشتغل وية الوزير بصفة حكومية؟

رد سامر وعلى وجهه ابتسامة مجنونه:

-اكيد اني رجل المهمات الصعبة

ظل مسعود يفكر شوية بمعاني هاي الصفة فصحك سامر وكال حتى يزيل الضبابية عن كلامه:

-اني احافظ على امن ابوية الوزير

هز مسعود راسه رافع حاجبه ومنبهر بالي سمعه قاطعهم صوت الباب ينفتح من الغرفة الي بيها حسان وراهي وطلع حسان غضبان وضايج وعاف المكان وية ابنه.

ببيت معصوم وصل الشيخ وية ابنه جانو يتناقشون بمواضيع مختلفة وبالذات هاي الزيارة المو مريحة من الوزير وصلوا للبيت وجانت فرحة ببيت عمها وية رحمة تتلاطفن وتسولفن وضحكاتهن العالية بالمنزل الفارغ بي بس مرجانة تتلاطف وياهن طب معصوم فسمع الضحكات من بنته وبنت اخوه فابتسم كلش يحب يسمعهن يضحكن ويرتاح من يشوفهن فرحانات بنته وحب حياته رحمة وبنت اخوه الي يعتبربها مثل بنته فرحة صاحت مرجانة بالبنات:

-اجو الرياجيل يلة كافي تكركرن

سكتن فلام معصوم مرتهلان سكتتهن:

-خليهن يا مرجانة يضحكن قبل لا تعصرهن الدنيا بمشاكلها

ما علقت مرجانة عل الي قاله رجلها بس راسا سالته على الزيارة بس المعلومات الي انطاها الها ما فادتها ولان هي جان الفضول كاتلها راحت لابنها تريد معلومات وسالته وهي دتنطيه كلاص مي:

-شصار يم عمك

رد عليه ضايج:

-طلعنة ببداية الكعدة ما اعرف اكثر من الي ابوية كاله الج

لوت شفتها مزعوجة وقالت:

-ابوك راح يسوي بية جلطة

خلت ابنها يروج لغرفته فمر من غرفة اخته وجان الباب مفتوح وبيها فرحة ورحمة تسولفن ورة ما طردتهن ما كدر يمنع نفسه يسرق النظرات لبنت عمه الصغيرة وهي تضحك وية اخته على صورة بيدهن وتسولفن بشي بخصوص هاي الصورة وسمع اسمه ورة ما مر من كدام الباب وابتعد كم خطوة ظل يسمع لان ثار عنده الفضول ديعرف شديحجن عنه. قالت فرحة لرحمة: