شراح يسوي اليوم مسعود؟ اويلي من هذا الشاب !
هاي القصة بيها نسخة فصحى للي يحبون يقروها فصحى
حنين الدم للدم
كتابة رؤى صباح مهدي
الفصل التاسع
رغم عرفت ان حجيها ماله تأثير على سامر لان عقله يشتغل بكيفه بس مع هذا لاحظت اكو شوية تفكير بعيونه بالكلام الي كالته عافته ورة هالضغط على الاعصاب وردت لشقتها والوقت ان متجاوز منتصف الليل تحتاج تنام لان باجر او هواي شغلات راح تعبها فتحت باب شفتها وتفاجت بمظروف اصفر مشمور جوة الباب تشككت شوية من حوافه ظلت ظلت تعاين على المظروف بعدين شالته من الكاع بخوف لان ممكن يدون بداخلة اي شئ يأذيها مع هذا هي جازفت وشكته وجان تطلع منه مجموعه من الصور محشورة بداخلة. اضطربت فد مرة وكعدت تفكر منو ياترى الي كدر يتجاوز المنطقة الامنية الي يسكنون بيها بالعمارة الي تعيش بيها هي وسامر وبكل جرأة حط هذا المظروف على بابها؟
بيت راهي جان موحش وفارغ فد مرة ورة ما تزوجت فرحة وتركته كعد مسعود ياكل العشة وحدة ويحس بوحدة رهيبة وشوق لاخته الصغيرة ماجان يتوقعه يفتقد كعدتها ويا على السفرة وشقاها وحتى حزنها. وزاد فراقها على وحشته بفراق ابوه وهسة ماعندة شهية لاي اكل عاف الاكل وراح لغرفة النوم وعيونه تتخيل اشباح الماضي بكل زاوية من زوايا البيت مرة يشوفهم فرحة من جانت تخطط حتى تضايقة ودائما تسلم من العقوبة لان عمرها صغير ومدلـله ابوها ومرة يشوف امه تحضنة وتبوسة ورة ما وكع وكعة كلش اذته ورح ركبته ومرة يتخايلة ابوه على الكرسي الي ظل يستعمله باخر ايامه ورة ما حيل اتمرض يشوفه خال كوفيته على جتافة وقحفيته البيضة على راسه امشيب ويتسامر وية رحمة ويضحكون سوة ويمدح بكل شئ تسوي حتى لو كسرت شئ هم يمدحها ويكول راح الشر.
رحمة واوف من رحمة كلما يشوفها يحس بيها تجذب قلبه وتلزمه بين ايديها هز راسه وصرخ:
-ام السحورة انت وامج اثنينكم امهات السحورة
بدل ملابس البرة ولف راسه ونام لان اذا ظل كاعد راح تخبله الوحدة الي بدة يحس بيها.
الصبح جانت الدادة الي تدير بالها على البيت بالمطبخ بس مبينة متوترة رايحة جاية كلما اقترب صوت خطوات مسعود من المطبخ توترها يعلة وجان عدها خبر مراح يعجب مسعود ابد فات للمطبخ وسلم عليها وطبعا يعتبرها كلش مقربة من العائلة ومنه هو بالذات باعتبارها قايمة بشؤؤنهم من فترة حيل طويلة. صبتله جاي وخلتله الريوك دياكل بعدين وكفت شوية ليبعيد تعاين عليه وشافها مضطربة فسألها:
-خيرج خالة تحتاجين فلوس؟
بللت شفايفها اليابسات وردت:
-بعدين يمة كمل اكل ونحجي
عاف الاكل هو اصلا ماله نفس حازت على كل انتباهة حتى يسمع للي راح تكولة وامرها:
أنت تقرأ
حنين الدم للدم لهجة عراقية وتتوفر فصحى على مكتبة نور
Romanceقصة واقعية/اللعابة الي حاطهة سامر بالكنتور تمثل نوع من الهوس والحب بس هاي اللعابة الانسية هي ام شخص مرتبط بعشيرة جبيرة هذا السر اذا طلع راح يدمر العائلة وراح يستغله مسعود ابن الجبير بس بنت عمه رحمة مراح تخلي يشطح بتصرفاته وبنفس الوقت راح تصير فريسة...
