حنين الدم للدم لهجة عراقية وتتوفر فصحى على مكتبة نور

الفصل السادس

اشتركوا بالصفحة حتى تشوفون كل القصص والفصول وصوتوا على هذا الفصل. ملاحظة هاي الرواية موجودة نسختها الفصحى 

حنين الدم للدم

كتابة رؤى صباح مهدي

الفصل السادس

الاحوال بالقرية جانت هادئة رغم التوتر الي صار بين افراد العشيرة وقت الي عرفوا بمعصوم تنازل لمسعود لان مسعود بعدة صغير عمره بالعشرين متهور كلش والمكانة الي راح يصير بيها متستحمل تهور الشباب وطيشهم يحتاج حنكة رجال كضة عمره يفك عركات ويحكم بالمشاكل بعدل ورزانة. ما باليد حيلة لان معصوم اصر وخضعوا اله وطلعوا يصفكون جف بجف لان ماعدهم اي قدرة يغيرون من القرار ومارادوا يثيرون بلبلة همة في غنى عنهاوظلوا كل فرد يفكر وحدة من عواقب القرار الي وافق عليه ولو شاركوا افكارهم يجوز جان صار فرق.

وراها زادت ساعات الي يحبس بيها مسعود نفسه بالمكتب يخطط للمستقبل بالظلمة الي يحبها ويحاول يلكة طريق يرتفع بي حالة حال الي صعدوا. مرت سنة على وفاة راهي وفرحة المسكينة تعيش حالة من الكآبة والحزن والشي الوحيد الي يخفف عنها نظرات رزاق المسروقة الها والمرات القليلة كلش الي يتقابلون بيها باللقاءات العائلية وورة ذاك اليوم من جاها بالغرفة ابد ما تحاجوا سوة لان مسعود بلحظة من لحظات تفكيره قرر يبعد رزاق بشغل بالعاصمة مشروع استثماري شارك مسعود بي وية الوزير حسان علوة مال مخضر يبيعون بيها المحاصيل الي تنتجها مزرعتهم وظل رزاق يتلقى الاومر من ابن عمه والشغل كلة على جتافة ينفذ التعليمات بحذافيرها حتى بلكي يكسب مودة مسعود ويمهد للزواج من فرحة بسلام.

رحمة هم خفت رجلها من بيت عمها بالاشهر الاخيرة لان انشغلت بالعيادة الخاصة بتبرع الدم الي سواها عمها وتركتها فترة بسبب الانشغال بالجنازة وبعدين من هدأت الامور ردت تباشر الشغل بيها وتشرف على الممرضات والممرضين الي يساعدوها كل اثنين. وحست الشغل الي كاعد تسوي ثوابة كلة راح يروح لراهي وطلبت من رزاق يبدل اسم المكان لعيادة شيخ راهي حتى يبقى ذكره بين الناس حاضر.

جان يوم بارد من ايام الشتة فتدثرت فرحة زين وكعدت تعاين تلفزيون بملل تقرب منها مسعود وكعد بصفها وبنيته ينهي موضوع الاتفاق الي اتفقه وية عمه قبل سنة تقريبا كال الها وهو ديراقب حركات عيونها المتابعة المسلسل المعروض:

-فرحة عمي رايدج لابنه رزاق

عافت المسلسل وبحلقت بمسعود وصفت عليه متدري شتسوي من شدة السعادة المفاجئة يمكن اذا تكمز من الفرح يكون رد كافي لمسعود على الطلب كمل اخوها ديحاول ينطيها الامان يعني اذا رادت ترفض:

-رزاق فلاح وحتى لو جان ابن عمج مراح الومج اذا....

قاطعته قبل لا يستمر بالكلام وهي تعرف كلش زين مقدار العداوة بين ولد العم: