حنين الدم للدم لهجة عراقية وتتوفر فصحى على مكتبة نور

الفصل الرابع

تصويت حبايب ولتنسون عندي هواي قصص بالصفحة شوفوها بطريقكم

وسوولي متابعه حتى تشوفون كل القصص الي انشرها ويجيكم اشعارات

حنين الدم للدم

كتابة رؤى صباح مهدي

الفصل الرابع

جان يوم كلش عادي مثل باقي الايام بالمزرعه والقرية بصورة عامة ما جان بيها اي شئ مختلف يعني نفس الروتين. كعدت رحمة دتروح لبيت عمها وكل الي تسوي كل يوم سوته باست كصة راهي وانطته دوة وراحت لمسعود ضحكتها على وجهها حتى يساعدها بالكرسي لان جانت تريد تاخذ عمها بجولة بالقرية والمزرعة وترجع وقت الغدة. من ردت لعمها وية مسعود تفاجئت بشوفة عمها دخل بتشنجات وعيونه جحظت يباوع عليهم بالم وميكدر لا يحجي ولا يتنفس ركضوا اله ورحمة برعب وصدمة حاولت تساعدة بس مالحكت ومات راهي. فقدت رحمة اعصابها وبدت تبجي وتصرخ وظلت تلطم على وجهها من كد الحزن بنفس الوقت ركض مسعود لابوه مشدوه ميعرف شيسوي وظل يصرخ بيها:

-شسويتي بالشيخ؟ احجي شسويتي؟

هزت راسها مختنكة بدموعها:

-مات؟ مات!!

ظل مسعود يأشر عليها ويصيح:

-رحمة قتلتي عمج؟ احجي شسويتي بعمج؟

بعدين بدة يهز بابوه بلطف ويتوسل بي:

-شيخ احجي وياية شيخ لتعوفنا بوية

حاول مسعود رغم راهي جان ميستجيب وراها انهار بصف الفراش يبجي مثل الطفل. جانت هاي اول مرة تشوف رحمة بيها ابن عمها بهاي الحالة الضعيفة المنكسرة. حزين مثل طفل خايف يتيه اذا عاف ايد ابوه ضغط على ايد راهي الباردة بعروكها البارزة وجان مسعود يغلي مثل كدر محترك على النار وبعيونه الحمرة بانت نظرات مجنونه مليانة رغبة بالانتقام عاف ايد ابوه وصرخ على رحمة بكل قسوة وعقل ما ظل براسه فانهارت تبجي:

-انت قتلتي. لهذا المستوى المحط وصلتي وقتلتي عمج. هلكد مأذيج ردتي تخلصين منه. البارحة جان كلشي مابي. احجي هاي فكرتج انت لو فكرة رزاق؟

ما افتهمت مسعود شديحجي. معقولة يتهمها بتقل عمها؟ معقولة؟كامت وبيدها تمسح دمعتها وتجر باذيال خيبتها وشردت من الغرفة وفرحة شافتها جانت متدري شنو الي صار صرخ مسعود بيها وهو يهددها:

-مراح يمر هالشي على خير رحمة.

رجعت رحمة تركض لبيت ابوها وحالتها ابد مو طبيعية شافتها امها وحست برعب صرخت بيها:

-شبيج رحمة

ظلت رحمة تصرخ برعب:

-عمي راهي مات ومسعود يكول اني الي قتلته

ما درت مرجانة تفرح لهل الخبر لو تحزن هي متحب راهي لان يعرف بسر ابنها ودائما يلمح عليه وهسة مات يعني السر هذا مات ويا عبالها السر راح وية راهي للقبر ظهر على وجهه شوية حزن عدلت العصابة مالتها وكالت: