حنين الدم للدم لهجة عراقية وتتوفر فصحى على مكتبة نور

الفصل السابع

اشتركوا بالصفحة ولاتنسون التصويت حبايب المشاهدات هواي اعلى من التصويت رجاء قلبي ان تصوتون على الفصول

حنين الدم للدم

كتابة رؤى صباح مهدي

الفصل السابع

بالغرفة كعدت فرحة على الفراش المرتب للعرسان جانت حيل خجلانة تباوع على الكاع ووكف رزاق يعاين عليها بصف الباب الي سدة عليهم اثنينهم تقرب منها بهدوء ووخر البركع الابيض عن وجهها وقال:

-واخيرا فرحة صرتي مالتي اخيرا اكدر اعاين عليج بلا ما اضطر ابوك النظرات لو اضمها عن اي احد

ابتسمت بخجل فكمل:

-الله سبحانه وتعالى راضي عني لان استجاب دعواتي وصار هاي الضحكات ملك الي وحدي

كعد على ركباته يباوع بعيونها الخجلانة وقال:

-لتخجلين مني فرحة اني ملكج هسة مو دائما تريدين تحجين وياية هسة تكدرين تكولين كل الي تريدينة الي وخلينا نكضي الليل كله نسولف سوة كل السوالف الي جنة نريد نسولفها بس منكدر كليلي كل احلامج وطموحاتج والي تحبي والي تكرهي لان عندي طاقة واريد كلها اسخرها لسعادتج

ابتسمت اكثر فكعد بصفها ولزم ايدها وباسها وقالت بصوت ضعيف:

-تمنيت لو ابوية وامي ويانة اليوم جان صارت فرحتي اضعاف

باوع بعيونها وشوقه الها يزداد بكل لحظة ووية كل دمعه تنزل من عيونها لمجرد ذكرت اهلها الي ماتوا حضنها بقوة وهمس باذنها:

-صيحيلي امي اذا حبيتي واذا اشتاقيتي لعمي صيحيلي ابوية

ضحكت وارتاحت لكلامه المريح سمعوا دك على باب الشقة الصغيرة فراح رزاق يفتح الباب وجانت امه شايلة صينية جبيرة هي ورحمة وبيها اكل عشة العرس انطتها لابنها وهي تحاول تشوف شنو اكو جوة بالغرفة فمنعها رزاق وقال:

-مضيعة شي يمة؟

ضحكت رحمة وضربتها امها على كيف وعافن رزاق حتى يشوفن الضيوف الي بقوا من الاقارب الي اجو من اماكن بعيدة اكيد راح يظلون بضيافة الشيخ اليوم. ومن بين الكاعدين بعدهم جان الشيخ الشاب الي بعدة يفكر برحمة والسيف الي جان بيدها ما كدر يوخر عيونها المكحلة عن تفكيره وباله شلون شغله بسيطة ممكن تغير نظرتنا للامور وهالركصة الي جانت اقرب لحركات محتشمة سوتها رحمة لاخوها فرحانة بعرسة تابعها وهي تجرجر ثوبها الاسود الي تلبسها من تطلع على الزلم وسلمت دلة الكهوة وية الفناجين حتى تتوزع على الكاعدين بديوان البيت كنوع من الضيافة ولمح ظفيرتها تتمرجح من جوة الشال يمنة ويسرة وحس بدمة ديفور من كد الغيرة ومشاعره اختلطت ساعة يشوفها الي سببت موت ابوه وساعة يحن قلبه عليها وكلة معصوم وهو ينطي فنجان قهوة: