حنين الدم للدم لهجة عراقية وتتوفر فصحى على مكتبة نور

الفصل 10

اشتركوا وصوتوا بليز

اليوم انكشف المستور اقروا وراح تعرفون قصدي

حنين الدم للدم

كتابة رؤى صباح مهدي

الفصل العاشر

أول ما سمع الصوت وخر لان هذا الصوت يعرفة كلش زين صوت رحمة المسكينة كال الها غضبان:

-شعندج بغرفتي جان موتج هسة خلاص

ردت عليه وهي تمرخ رقبتها وايدها الي ورمت:

-كسرت عظامي شبيج يا مسعود ما كالتلك خالة ام موسة اني الي راح اجي للبيت بمكانها ادير بالي على البيت

بحلق بيها مديصدك بعدين يلة انتبه على نفسه وظل يستر بجسمه خجلان وعدل المنشفة وخر من كدامها وخلة قميص على جسمة وكال:

-وليش انتي تبرعتي اكدر اجيب اي احد ثاني

كامت بلا حتى ميساعدها ومسحت قطرات المي الي وكعت على وجهها بشهالها وكملت:

-امي كلتلي مو اني تبرعت. فرحة عروس ما تكدر واني متفرغة ماعندي شئ وماعندي مانع اخدم ابن عمي

وبعدين عاتبته:

-ليش تعاملني بهاي القسوة وتحجي وياية بهذا الاسلوب مو اني من لحمك ودمك على الاقل كولي شكرا لان ادير بالي عليك وعلى البيت بهاي الفترة

ظل يعاين عليها يفكر بكلامها هي على حق بس استكبارة وغرورة يمنعه يعترف بالموضوع عافها وطلع من الغرفة وراح يبدل هدومة وهي استسلمت وكملت ترتيب الغرفة مالته بعدين نزلت على المطبخ سوت كهوة اله حتى يدفي نفسه وشعلت صوبة نفطية لان الجو برد وبنفس الوقت اجتاحها الم كلش جبير وحست مثل اكو عظمة مكسورة بجسمها من كد الالم وراسها هم جان يوجعها ورقبتها متشنجة من قوة الوكعة الي وكعتها تحملت الالم واخذت الكهوة لمسعود وسحبت الصوبة هم ودتها يمها بالغرفة الكاعد بيها ولو تبقى عليه ولا يهتم.

ما انتبه الها من فاتت لان جان مشغول ديدون ملاحظات بالامور الي يحتاجها بالاجتماع الجاي وظلت هي تنظف بالغرفة وتمسح التراب الي مالي المكان لان هو ميقبل اي احد يفوت ينظف الا بالتواسيل ورتبت الاوراق المتبعثرة ووخرت البردات حتى يفوت شوية ضوة للمكان قبل لا يصير الليل بعدين حست لازم ترجع للبيت فقالت لمسعود كملاحظة اخيرة قبل لا تعوفة:

-العشة بالمطبخ خليته بمواعين حرارية حتى يظل دافي لوقت الي تاكله

ما رفع عينه من الورقة الي جان يكتب بيها بس توقف عن الكتابه وظل يسمعها فكملت:

-اني راح ارد لبيت ابوية قبل لا تظلم الدنيا تريد مني شئ لاخ قبل لا اروح؟

فكر شوية وبعدين قال الها بصيغة الامر: