حنين الدم للدم لهجة عراقية وتتوفر فصحى على مكتبة نور

الجزء ال14

حنين الدم للدم

كتابة رؤى صباح مهدي

الفصل ال14

قامت العجوز بصعوبه وهي تبكي تدعي علي الرجال اللي اذاها الله ياخذه ويموت محروك اندارت الرزاق وشكرته لان ساعدها مشت وحدها بالظلمه لواحد من الاركان الظلمه بصف الفندق طلعت جيس اسود مشكك قذر مليان حاجات اخذته مناك سالها رزاق:

- عندج بيت تروحيله

ردت علي بصوتها التعبان:

- الشارع هو بيتي يا يمه وين ما اتعب احط جوالاتي واقعد

مشت تجرجر نفسها و العبايه الطويله المشققه تجمع وراها وصخ الشارع واوراق العلج، رددت بصوت حزين اغنيه حزينه مؤثره:

-يبنتي وين رحتي وتركتيني

تذوب حشاي ببعادج هملتيني

أنا والدمع صرنة أصحاب وانتي ما ذكرتيني

يبنتي انت الحنينة وموش من نوع التغدريني

اويلي يالدمع ما تخلص وخلصت عليك سنيني"

مجرد الاستماع لصوت العجوز تنطق بذيج الكلمات كطع قلب رزاق ركض باتجاه وسالها:

- خاله تدورين على احد

بعيون تعبانه وجه غابت ملامحه من كثره التجاعيد والالم قالت بصوت ناصي:

- بلقيس بنتي طلعت من البيت وما رجعت اختفت ما اعرف وين راحت كانت تشتغل بهذا الفندق

ارزاق متردد:

- بنت ليل

ردت العجوز:

- اخرس بنتي اشرف من الشرف جانت تشتغل هنا منظفه وظلت تشتغل هنا منظفة سنوات لحد ما اختفت ما احد يعرف عنها شيء

مسحت دمعها بردانها طلعت صوره من جيبها وشوفتها لرزاق صوره بتها بلقيس وقالت:

- هاي بلقيس شفتها باي مكان؟

هز رزاق راسه بالنفي وكملت:

-اجي من هذا المكان كل صبح ومسيه ادور عليها عسى ولعل رجعت من غيبتها بس هذا الخنزير يطردني ويشمرني بالشارع اني راح اموت شوكت راح اشوفك يايمه يا بلقيس

حس رزاق بالحزن على العجوز جان متاكد انو بلقيس الي تحجي عنها امها وهمت عائلتها ان هي تشتغل بالتنظيف بس هي بالحقيقه تشتغل غير شيء سأل العجوز:

- راح تبقين تمشين بالشوارع بهذا البرد؟

هزت راسها بالايجاب وقالت:

- عشر سنين واني بالشارع. الشارع هو المكان الوحيد اللي يحتضنني باي وقت بدون ما يطردني. الشارع هو المكان الوحيد اللي ادوربي علي بلقيس