•
•
- يَوم جَديد .....
*فتَح جُفناه بكل هدوء بمجرد سماعِه للمنبه ، اخذ نَفساً عَميقاً ونهض بكل تروٍّ اتجه للمرآة المعلقه على الجِدار يتأمل شكله رسم إبتسامه جانبيه للّحظات المرسومة في مخيلته* وحتى الضبابّ آن لَهُ أن يَنقَشِع . . ! *إستحم وارتدى لِباس أنيق يُناسِب هذا اليوم وإتجه للجامعة دون الإلتِفات لنِداءات والدته او خالته*
•
غَيد : *مبتسم ومزاجه جيد* ياصباح الحب والناس الرايقه
أديف : *حضنه مبتسم بشده* ياهلاا اخيراً راح نجتمع بعد هالكرف كله اووف وحشتوني كلكم
غيد : ان شاءالله بننبسط ونعوض هالتعب
أديف : يارب ، تعال نفطر بالله جوعان
غيد : انا افطرت بس هاتلي معاك عصير بارد
أديف : شوف مُرتجى وصل قبلنا روح عنده واجيكم
غيد : تمام *تقدم لمُرتجى الجالِس وحضنه من الخلف وقَبَّل وجنته* صباح الزيين
مُرتجى : *ابتسم والتفت عليه* حبيبي صباحك خير
غيد : هاه كيف يومك؟
مُرتجى : الحمدلله بيكون يوم خفيف محاضرتين بس وانت؟
غيد : ثلاث والأخيره بنحاش منها
مُرتجى : ليه طيب كملها كلها ساعه ونص
غيد : لاحبيبي اليوم خميس ابي انبسط اجيب سكليڤ وانتهينا
مُرتجى : براحتك اللي تشوفه ، وين آياز ماوصل ؟
غيد : لا محاضرته الأولى تكنسلت قال بيتأخر شوي
مُرتجى : تمام اجل *نظر لساعته ووقف* بروح اخذ اغراضي من اللوكر تبي شي منه ؟
غيد : لا كل شي عندي بنتظرك هنا
مُرتجى : اوكي راجع لكم .. *توجه للممر المخصص للخزانات الخاصة وتوقف بهدوء فتح القفل وسحب كِتابه سقطت ورقة مثنية كانت اسفل الكِتاب بين اقدامه إنحنى والتقطها اعتدل بوقفته يقرأ محتواها (( كالمُعتاد مِيلادك المنسيّ والغائِب عن ذاكِرتك لازال كالأحفورة الرّاسِخه في ثنايا عقلي ، ألا بأس بِمقابلة لاتتعدى دقائِق من وقتك ؟ لو قَبِلت تأتِ لوحدك فضلاً سَتجدني خَلف جِدار مبنى الخزائِن بإنتِظارِك حتى الدقيقة الثلاثون بعد السَّابِعه .. )) عقد حاجبيه واستغرب لهجة الرِّساله ومن يكون شخصها !!* وش يبي هذا وكيف عرف بميلادي اللي حتى ربعي ماهنوني فيه ؟؟ بس .. والله عندي فضول *نظرالى ساعته كان الوقت مبكر على محاضرته اغلق الورقه وضعها بكِتابه وبتردد توجه لنفس المكان بخطوات ثقيله كان شعوره غريب لحظتها لكنه تبع فضوله لمعرفة الشخص*
•
أديف : الساعه كم نروح ؟
غيد : الساعه ٦ اطلع من الجامعه على طول وانام هناك
أديف : لو يمديني جيت معاك
غيد : ياليت مابي اكون لحالي
أديف : خلاص بكلم اهلي واجي معك
غيد : اتفقنا
•
•
