•
•
الجد : الجمعة بيكون الغدا بيت عمك يامنصور
منصور : كلنا ولا بس رجال ؟
الجد : لا بس الرجال نسوانهم ماعادو يتجمعون نفس قبل خابر مشاكلهم كل مره
الجدة : من ردى الراعي *كملت فنجان قهوتها*
الجد : اقصري الشر لاتطرين اخواني
منصور : زين انا بنزل قريب بجيب اغراض قبل العصر تامرون على شي ؟
الجد : سلامتك ..
جَدن : *بهمس* اقدر اجي معك؟
منصور : قاصرك شي؟
جَدن : لا بس بطلع معك
منصور : اجل اجلسي هنا خلك مع روان *استأذنهم وخرج*
الجدة : *التفتت على روان* اجل ماتعرفين تطبخين هاه !
روان : انا ؟
الجدة : لا الطاوله ، ايه انتي من اليوم بتدخلين المطبخ تتعلمين كل شي ماترجعين بيتكم الا وانتي مسنعه مفهوم!
روان : حاضر *شدت قبضتها بإبتسامه جانبيه*
جَدن : احم ، اقدر اطلع برا اشوف المكان ؟
الجد : ايه اطلعي يابنتي بس لاتبعدين
جَدن : ان شاءاالله
روان : بجي معك ..
الجدة : اجلسي انتي ابيك بكم سالفه
الجد : *تنهد والتفت على الجدة* اجل انا بروح مجلسي اخليكم
•
جَدن : *خرج يتأمل المكان حول البيت وكيف الهدوء يملأ الأرجاء والطبيعه تجبره على الإسترخاء ، قاطع تأملاته إتصال* الو !
الخادِمه : ايوه جدن !
جَدن : اهلاً ، شفيك ؟
الخادِمه : اتصلت اقول كل شي صار .. *سردت عليه بعض الأحداث بشكل مختصر وسريع*
جَدن : *عقد حاجبيه* تمام شكراً ، لو صار شي ثاني اتصلي فيني على طول اوكي؟
الخادمه : اوكي ..
جَدن : *انتبه لإقتراب جده ابتسم له وأنهى الإتصال*
الجد : هاه تكلمين امك؟
جَدن : *ابتسم بمجامله* ايه قلت اتطمن عليهم ، مارحت للمجلس؟
الجد : *جلس على دكة بجانب الباب* لا وش ابي فيه بس قلته اتنحش عن هالعجوز ولسانها
جَدن : *ضحك وحاول يتماسك* اسف ..
•
•
