•
•
جَدن : *بعد محاولات نزعها لكنها فلتت من يده للأرض ، بإستفزاز ضرب المغسله بكفه وزفرّ*
آياز : * احم .. *تعمد يلفته بأي شكل وبنظره جانبيه*
جَدن : *إلتفت وبعد استيعاب لهذا الشخص اخفض نظارته على عينيه بتوتر وخرج من المكان*
آياز : اووف .. ياسبحانه !
جَدن : ناقصني هذا يجي بنفس الوقت ! *يحدث نفسه بصوت منخفض وعُقدة حاجبيه احتدّت جلس مكانه يحاول الهدوء قبل موعد آخر محاضرة*
آياز : *جلس بمكانه ملتفت على غَيّد* مارحت محاضرتك ؟
غَيّد : *نظر لساعته وفزّ بربكه* احح ماانتبهت للوقت يلا يلا سلام اشوفك بكرا*
آياز : الله معاك حبيبي .. *استند على الكُرسي بإبتِسامه خافِته نظر امامه لدقيقه بعدها انشغل بإتِصال هاتفه*
جَدن : *امسك قَلمه وبدأ يعبث بالورق خربشات بِلا معنى لتضييع الوقت او تشتيت ذِهنه .. ويهمس لِنفسه* قريب ويُحسم الأمر ..
•
( في بَيت جَدن ) .....
خالته : وش بتسوين الحين بترفعين خُلع ؟
امه : أمري لله دام اخوي قال خلاص بوكله بالموضوع وهو يتصرف
خالته : والله بنتك صادقه ليتك سألتي عنه قبل توافقين
امه : مو قلتي اهم شي رجال عنده فلوس الحين تلوميني ؟
خالته : وانتي ماصدقتي وافقتي عليه الحين حطيتي اللوم علي انا !
امه : ويوم اقول خليني افكر وقت اكثر قلتي استعجلي لايطير
خالته : شسوي بك ابلشتيني كل يوم والثاني دوريلي عريس راح عمري وانا بهالبيت خلك ولا عاد تفكرين بذالشي ثاني مره
امه : يكون ازين بعد ..
•
آياز : *اغلق هاتِفه بعد ماأنهى اتصالِه مع احد اصحابه مبتسم وينظر لمن وقف أمامه* ها خلصت ؟
مُرتجى : *ابتسم له واضع كُتبه على الطاوله* اي خلصت وانت ؟
آياز : *نظر لِساعته* محاضره بعد شوي والثانيه بعدها بنص ساعه
مُرتجى : اخخ ربي يعينك *جلس وارتكى بيده على الكُرسي المجاور* غيد وينه محاضره بعد ؟
آياز : اي قبل تجي راح محاضرته ، اسمع بكرا نبي نطلع نغير جو خلك جاهز من بدري مفهوم !
مُرتجى : الله يخليك ماناخذ بريك نخليها الجمعه ؟
آياز : لالا انسى الجمعه عمتي موجوده ساحب عليها شهرين بتذبحني لو مارحت
مُرتجى : افف طيب بس نطلع متأخر شوي والله احتاج انام لو ساعتين
آياز : ماعليك يمدي تنام وتصحى *نظر لساعته ووقف* يلا حبيبي اشوفك بعدين بلحق عالكلاس *تركه وانسحب لمحاضرته وخطف نظره على الجالس بالطاوله المُقابله*
مُرتجى : حافظك ربي .. *التفت حوله بملل واخذ هاتفه يتعبث به*
جَدن : *اخذ نفس عميق وحمل كتبه خرج من المكان بإبتِسامه يهمس لنفسه* قريب .. قريب جداً !
•
•
