•
•
المحقق : تبغون نتكلم بالموضوع ولا ننتظر؟
منصور : لا خلها توصل اول تالي نكمل ..
روان : *قربت صوبه وهمست* ننتظر مين وش الموضوع؟
منصور : *بهمس* اسكتي لاتتكلمين لين اسمح لك ..!
ام ريبال : عندنا ارتباطات مهمه اذا بتتأخر خلونا نمشي ونحدد موعد ثاني
جَدن : *دخل لمكتب المحقق* السلام عليكم ، اعذروني تأخرت
المحقق : وعليكم السلام ، تفضلي حصل خير ، يلا الحين كلهم موجودين قولي اللي عندك .
جَدن : *جلس بهيبته وبدأ يتكلم بثقة* اولاً مثل ماخبرتكم الإتهامات والقذف والكلام اللي مسّني كله بسبب علاقة شخصين انا مالي اي علاقه فيهم سوى صلة قرابة وضعيفه مايهمني لو خسرتها او كسبتها ! *التفت وركز نظره على ابوه وروان* طلبت إثبات على كلامي قبل توجيه أي اتهامات زياده تشوه سمعتي وتهدم حياتي بدون وجه حق وطبعاً المحقق عنده هالأدلة وهي تسجيلات كاميرات مراقبة احد الجيران *ابتسم بهدوء لأبوه* جيرانك استاذ منصور ! والحمدلله كان متعاون وواقف مع الحق ، تقدر تكمل لهم الباقي ..
المحقق : هنا واضح كل شيء *فتح مقطع فيديو لتسجيل مراقبة احدى المنازل وكان يظهر فيه شخص غريب يتردد على منزل منصور بأيام مختلفة*
ام ريبال : *الصدمه اعتلت على وجهها بتركيز التصوير المقرب على السيارة وصاحبها*
منصور : من هذا وش يسوي فبيتي ؟؟؟
روان : *انعقد لسانها وحاولت تهدئ روعها*
•
مُرتجى : تظن وراه ظهر وقادر يطلع نفسه من هالمصيبه ؟
آياز : الله اعلم ! ممكن ليش لأ ؟
مُرتجى : ريبال ناوي عليه نيه شينه بس وش تتوقع يدبرله؟
آياز : والله ياجويج هالإنسان عقله مريض توقع يسوي اي شي وباكر يقلب علينا لاتستغربها منه
مُرتجى : لاتكفى الله لايقوله توني ماعشت زهرة شبابي
آياز : *ضحك* خلاص صارت علف ! قوم هات لنا شي نشربه
•
جَدن : وآخر مره كانت تقفل باب الغرفه وتحبسني فيها للصبح حتى تاخذ راحتها معاه وطبعاً ابوي غافل ورى شغله مايدري باللي يصير داخل بيته واذا رفضت اجي عنده هددني بالمحاكم والحضانه وكأني طفل قاصر !!
منصور : وليه ماتكلمتي من اول؟؟
جَدن : اتكلم شقول؟ كالعاده بترفع صوتها بكم كلمه تصدقها والضرب يجيني ! ليه اتعب نفسي
•
•
