•
•
منصور : يمه وين اودي اغراضنا ؟
الجدة : *جلست وطلبت من الخادمة تنقل الاغراض الى الغرف المخصصه لهم* تعال اجلس وخلهم يروحون يرتاحون
منصور : *جلس بجانبها ويشرب قهوته ويتبادل الأحاديث معها*
الخادمه : *دخلت غرفة مخصصه لمنصور وروان وضعت الحقائب*
روان : تعالي رتبي الملابس بالخزانه واكوي اللي بلبسها الحين
الخادمه : سوري انا بس اشتغل بالمطبخ وعند ماما انتي سوي كل شي بنفسك
روان :*تخصرت وبإستحقار* انا اقولك تسوين هذا كله مفهوم!!
الخادمه : *عقدت حاجبيها وبثقه* هذا كلام بابا منصور انتي ماتتكلمين مفهوم ؟ *تركتها بصدمتها واكملت اعمالها المنزليه*
جَدن : *مر عند الغرفة ناظرها وضحك بخفه اكمل طريقه للحمام*
روان : *زفرت بقهر تحاول تحبس دموعها*
•
- في المساء . . اجتمعو بساحة المنزل الخارجية :
الجد : *مُتكئ ومندمج بحديثه عن تاريخ العائله وحياة الماضي* كانت هناك بيوتنا متجاوره وكل العائله تجتمع بأيام الجمعة من بعد الصلاة حتى الليل وكأننا بيت واحد لكن بعد وفاة جدك اعمامك اختلفو بالورث والشيطان زرع بينهم فتنة حب المال وتفرقو صار كل شخص فبيت بعيد عن الثاني .. *تنهد بخيبه* مهما كان المال زينة الحياة الدنيا بنفس الوقت يكون سم اذا فاض حبه بالقلب !
جَدن : *كان يستمع بهدوء وعيناه تنتقل بين جده ووالده*
منصور : الله يهديهم ويرحم الأموات منهم ..
الجد : ياولدي ادري هالسالفه تعرفها زين وحافظها بس انا ماأكررها عليك وعلى اخوانك الا لأني ابيكم تتعضون وماتنسون انفسكم وكل من له حق عليكم ..
منصور : ان شاءالله مانكون مقصرين
جَدن : *التفت على روان ابتسم بسُخريه*
روان : *ابعدت نظرها لمكان بعيد مُجبرة على البقاء والإستماع لأحاديث تافهه بنظرها*
الجدة : *كانت تتأمل روان بين كل دقيقه والأخرى ثم وجهت سؤالها لإبنها* كم صارلكم متزوجين ؟
•
•
