•
•
روان : الخدامه جهزت الغرفه اللي تحت تقدر تنام فيها
ابوه : ليه تحت واللي فوق ؟
روان : مقفله والمفاتيح عندك وشلون تنظفها ؟؟
ابوه : زين زين هي مؤقته ماراح تقعد هنا على طول *التفت على جَدن وبحده* روحي معها توديك غرفتك حطي اغراضك وتعالي
جَدن : *هز رأسه بدون رد وتبعها للغرفة*
روان : *فتحت الباب وتخصرت* هذي غرفتك نزلي اغراضك وروحي لأبوك بالصالة وياليت بهدوء واحترام مابي طولة لسان قدامه اعتقد تعرفين عصبيته مابي اي شي يعكر مزاجه اكثر
جَدن : طيب *تصرف نفس ماطلبو منه وجلس بهدوء*
ابوه : اي صف تدرسين انتي؟
جَدن : *ابتسم بغصه* ادرس بالجامعه
ابوه : اوه امداك وصلتي الجامعه ، زين زين عندك مكافأتك اجل مومحتاجه مصروف يومي
جَدن : *بخاطره ينفلت بالكلام لكن ضعف موقفه خلاه يسكت*
ابوه : ومن يوديك ويجيبك ؟؟
جَدن : سواق خاص ، بس كيف بروح الحين بيتك بعيد عليه
ابوه : اي عادي سواق خالتك روان موجود يوديك ويجيبك لين ترجعين لأمك
روان : شفيه السواق من الحين تبي تمشوره ؟؟ *جلست جمبه ورافعه حاجبها*
ابوه : اقول يوصلها للجامعه ويرجعها عندك اعتراض ؟؟ *ناطرها بحده*
روان : لا ابد هه لا اعتراض ولاشي ، ماتبي تتعشا ؟ السفره جاهزه
ابوه : يلا *توجهو لطاولة الأكل وكانت احاديث تافهه وجانبيه من زوجته موجهه له ومن غير تجاوب منه*
جَدن : *خلص وتوجه لغرفته حاول ينام لكن قضى ليلته بغفوات متقطعه وخوف من القادم*
-
صباح اليوم الثاني :
روان : *دخلت غرفته بدون استئذان* ها صاحيه بدري
جَدن : *استفزه دخولها الوقح* اي لازم الحق عالمحاضرات
روان : زين حضرتك متى تخلصين دوام ؟
جَدن : اليوم اخلص 3 وربع
روان : هالوقت السواق بيكون معاي بيجيك الساعه 4 خلك عند الباب لاتأخرينه موفاضيه اتعطل عشانك
جَدن : تمام ، بعد اذنك ببدل عشان مااتأخر
روان : *خزته وسكرت الباب وراها*
•
•
