•
•
الجد : *ابتسم واضع يده على ظهر جَدن* اجلسي يابنتي بسولف معك
جَدن : *جلس بهدوء مبتسم ويستمع لأحاديثه الهادئه وكأنه يقرأ كِتاب تاريخي منذ عصور قديمة*
الجد : *بعد دقائق عم فيها الصمت بينهم وبدأ مطر خفيف بالهطول* مرتاحه مع امك ؟
جَدن : *صدمه السؤال والتفت عليه* امي! اي الحمدلله
الجد : ايه الحمدلله .. *هز راسه* يمكن تكون هذي أعظم غلطه سويناها لما زوجناهم غصب وحطيناهم امام الأمر الواقع لكن النتيجة كانت الطلاق ! وانتي الضحية بينهم سامحينا يابنتي
جَدن : كلها اقدار لاتحمل نفسك هم ومسؤولية
الجد : حتى الأقدار لها أسباب ، لو كنا عملنا فيها بالشكل الصحيح ماوصلنا لهذا الحد
جَدن : *اكتفى بالصمت وهو يتأمل تجاعيد وجه هذا الرجل المُسِنّ*
•
روان : *بعد الصمت لدقائق كانت وكأنها ساعات* آمريني وش بغيتي ؟
الجدة : شوفي انا ماعندي وقت للمجاملات ولا اعرف المواساة وبكون واضحه معك ، انتي دخلتي بحياة ولدي منصور عشان تكونين له زوجه وتصونين البيت اللي بتكونين مسؤوله عنه امام الله وعِباده . منصور علمني بكل شي صار قبل تجون هنا يعني لاتحاولين تظهرين عكس ماأنتي فيه *نظرت بتركيز الى عينيها وبجدية اكبر* بما انك حلفتي وانكرتي كل الإتهامات لك بأنك غلطتي مع اللي مايتسمى بنصدقك ونقول غلطة ابليس وعدت !
روان : *عجزت عن رفع رأسها من شدة الخجل وفضح امرها*
الجدة : انتي بتجلسين هنا عندي من اليوم ورايح للوقت اللي يقرر منصور ترجعين لحياتك السابقه وحريتك بتعيشين بشروطي وحسب قوانين هالمكان بتحترمينه وتصونينه مثل احترام اهله ومكانتهم مفهوم ! كلمتي بتمشي عليك مثل غيرك بهالبيت ولدي خذاك من بيت اهلك وابوك معروف وذايع صيته بالخير ماله داعي يطلقك وتصير فضايح غلطتك هينه وبتنسي مع الأيام .. *استمر الحديث لبعض الوقت واتضح هنا مخطط منصور*
•
جَدن : *انتبه لتكرار اتصال على هاتفه الصامت وعقد حاجبيه*
الجد : شفيك يابنتي؟
جَدن : مافي شي بس امي متصله ومارديت عليها ، بعد اذنك بروح اكلمها *ابتسم وانسحب لمكان بعيد بعض الشيء عن مسمعه وعاود الإتصال* شفيها متصله اربع مرات !!
•
•
