•
•
جَدن : *الصدمه عطلت تفكيره لدقائق حتى استجمع افكاره وأسرع ياخذ اغراضه ويتصل بسائق يوصله*
-
ريبال : *يمشي ومندمج بسالفته*
مُرتجى : *يضحك ومتفاعل مع صاحبه* وربك احتاج يوم نفس هذا اليوم لازم نكررها اقرب وقت
ريبال : ايه بس كلمهم بكل مره نتفق يطلع لنا واحد بشغله تخرب كل شي
مُرتجى : بكلم آياز يحشرهم يرتبون اوضاعهم هالويكند ونتجمع *خلال دخوله للكافتيريا اصطدم بشخص مستعجل* اهخخ بشويش !!
جَدن : *ارتبك وواضح على ملامحه التوتر تجمد مكانه للحظات* اا..آسف !
ريبال : *رفع القلم واعطاه اياه* قلمك طاح!
جَدن : *كان تركيزه بالشخص المقابل له وتفكيره المشوش تجاهل ريبال وكمل طريقه لخارج الجامعه*
مُرتجى : *هز رأسه بإستنكار* موطبيعي ، امش ندخل
ريبال : * رفع كتوفه ودخل معه لعند اصحابهم*
•
جَدن : *رجع للبيت وكان الوضع متوتر جهز اغراضه بسرعه بحقيبه متوسطه وبحسب ماإتفقو انتهت الإجراءات انتقلو لمنزل خاله لمدينة مجاوره حتى تبدأ مراسيم العزاء لِثلاثة أيام كان يتوجه للجامعة بوقت أبكر نظراً للمسافة ويحضر محاضراته ويخرج مباشرة واليوم الرابع رجع لمنزله لكن بدون الجدة اللي كانت مسيطره بعض الشيء بأوامرها* ياالله شعور غريب ، رغم ان علاقتي معها سيئه لكن .. سبحان الله !
امه : ماكانت تكره حد لكن الحياة خلتها عصبيه بهالشكل اللي كَرَّه الكل فيها
جَدن : طيب ليه خلتنا نكرهها بتصرفاتها ؟
امه : احترمي نفسك زودتيها ترى سكت لك كثير
جَدن : اوكي انتم تكلمو براحتكم وانا ماأستحي وزودتها ، غلطتي اني اجلس معكم *اخذ جواله وراح لغرفته وقفل الباب*
خالته : وش فيها بنتك لسانها طويل اسمعها من المطبخ؟
امه : من يومها كذا بنت منصور وش تبين بعد تطلع
خالته : وهذا للحين مع زوجته ولا غيرها ؟
امه : لا هذي هي متعلقه فيه بس اصبري اخرتها بيغيرها
خالته : اذا صبرت عليه يصير خير
جَدن : *فتح الملاحظات ويكتب*
.. " ها قَد بَلَغتُ صبابَتي .. حتى تَفَرَّقَت أضلُعي ّ "
•
•
