•
•
جَدن : *غارِقٌ في نومه وذاك الخيال يُساهِره ، يَحتضن الوجه النقيّ يقبِّل عَيناه مِراراً ولا يتوقف حتى يَشتاق تأملها .. إبتسم بِخِفَّه لكنها تلاشت لَحظة تسلل النور الى جفناه*
امه : يابنت اصحي ابوك يبيك بالمجلس
جَدن : *تنهد وعقد حاجبيه وبنعاس* وهذا مابغى يجي الا الحين؟
امه : متى تبينه يجي آمري انتي بس ؟
جَدن : *دفن وجهه بالوساده* بيوم الدين .. خلاص بقوم
امه : خلصي علي لاتتأخرين *خرجت وتركته يفوق من حلمه*
جَدن : كالعاده حلم !!
الخادمه : *تقدم القهوة والشاي بالمجلس*
منصور : وينها طولت؟
الخادمه : من شوي صحيت الحين تجي
منصور : *يناظر بساعته* الساعه 1 ليه تنام بهالوقت ؟؟
الخادمه : ماأعرف!
جَدن : *دخل بهدوئه وسلم عليه* هلا يبا
منصور : هلا فيك ، اسمعي انا جاي اتكلم معك بموضوع وبمشي ماعندي وقت
جَدن : *جلس وهز رأسه* تفضل !
منصور : انا بسافر بعد اسبوع ابيك تجين معي
جَدن : وين ؟
منصور : بما انه دراسه ماعندك ابيك تزورين جِدّانِك كم صارلك ماشفتهم
جَدن : طيب وانا مابي اروح هناك
منصور : اسمعي انا قلت لهم بجيبك معي وماني مغير كلامي جهزي نفسك وخذي ملابس زي الناس
جَدن : *بهَمس* اي يصير خير ..
منصور : *شرب قهوته ووقف* يوم الثلاثاء الساعه 12 تكونين جاهزه امرك ونروح المطار ، يلا فمان الله
جَدن : فمانه ، وهذا منين طلع بهالسالفه؟؟
امه : *مجرد سماعها صوت الباب تقفل دخلت للمجلس* هاه وش يبي؟؟
جَدن : *متسند ويناظر بملل* بياخذني معه لأهله
امه : *ضحكت بسخريه* من وين طالعه الشمس؟
جَدن : الله العالم !
امه : المهم متى ناوي يروح ؟
جَدن : الثلاثاء الجاي !
امه : *ابتسمت وتبادرت بذهنها فِكرة مجهوله*
•
•
