•
•
خالته : *فزت بإرتباك ومسكت ذراعه وتهمس* اسكتي امشي داخل لاتفضحينا قدام الناس
جَدن : *فك يدها من ذراعه وعقد حاجبه* اي ناس ؟ هذول ؟؟؟ *أشر بإستهزاء على عدة نِساء ينظرون لشكله بإستنكار*
امه : *ألجمها حضوره المفاجئ وظلت تنظر لأختها حتى تنقذ الموقف*
خالته : اقولك امشي بسرعه *سحبته لعند درج المنزل وبغضب* انتي كيف تدخلين بهالشكل وتحرجينا اصلاً وش جابك الحين موكنتي عند ابوك؟
جَدن : هه ، ليه خايفين اخرب عليكم فرحتكم ؟
خالته : وش فرحته انتي وش تخربطين؟
جَدن : *وقف عند باب الصالة وأشر بإصبعه بإستهزاء* انا بطلع ابدل ثيابي وبرجع لكم مابي هالأشكال هنا مفهوم !
امه : *شهقت بصدمه ووقفت* عيب يابنت !!!!
خالته : ءءءا آسفه البنت موصاحيه لاتشرهون عليها تعالي حبيبتي اوديك ترتاحين وتاخذين دواك *تحاول تسحبه لغرفته بإحراج*
جَدن : *مبتسم وهي تسحبه وبصوت شِبه عالي* راجعلكم هاه قفلو الباب وراكم ..
•
الجدة : ها وصلت بنتك ؟
منصور : ايه من نص ساعه كلمتني وهي عند البيت
الجدة : زين الحمدلله ، وين روان طولت القهوه ؟
منصور : ماعليه يمه تحمليها لين تتعلم
الجدة : وانا وش قلت كلها قهوه مو ذبيحه !
منصور : *ابتسم مجاملة بقدومها* هذي هي جهزت
•
خالته : *تتلفت بالغرفه*
جَدن : *متخصر ومبتسم بإستفزاز* ترى كل المفاتيح عندي وش تدورين ؟
خالته : عطيني مفتاح غرفتك
جَدن : تؤ ! مافي ..
خالته : اسمعيني زين بتجلسين هنا ومابي اشوف وجهك نازله تحت لين يمشون الضيوف تالي نتفاهم
جَدن : *تحولت ملامحه للجدّيه وتقدم بخطوات هادئه وبصوت منخفض* آشش! لا انتي ولا هي لكم كلمه علي ، وكل اللي قاعد يصير عندي خبر فيه سوالفكم من وراي خابرها زين ماتأمريني بشيء بحيااتك كلها فاهمه ؟
خالته : *انصدمت من الأسلوب والجرأه* ياقليلة الأدب !!
جَدن : سلفيني من عندك *ضحك بخفه وفتح الباب* بتجين ولا انزل لحالي ؟
خالته : *وقفت تصد طريقه* قلت لك ماراح تنزلين وتخربين كل شي
جَدن : همم! مِسيار او بالسّر ؟
خالته : *ارتبكت وتلعثمت*
•
•
