•
•
جَدن : *نزل يتمشى بالبيت وبدأت الجراحه تلتئم ويخف الوجع*
امه : ماراح تداومين بالجامعه ؟ يكفي اسبوعين غايبه
جَدن : *تنهد وجلس* بكرا بداوم
امه : اي زين وخذي الاوراق عساهم يقبلونها ماتحملين المواد
جَدن : بتنعاد بكل الأحوال ماتفرق
امه : وش تعيدين اجتهدي وادرسي وش وراك مرتاحه لاشغل ولا مسؤوليه
جَدن : *تنهد وصد عنها* بطلع اجهز اغراضي وانام *صعد لغرفته وانسدح مسك الجوال متردد يرسل او لا ؟ *
•
آياز : يلا اشوفك بعدين *سلم على صاحبه ونزل بيته*
مُرتجى : *رجع للبيت ودخل غرفته يرتاح لفت انتباهه رسالة رقم غريب تجاهلها*
جَدن : خير يدخل اون لاين مايفتح رسالتي !! *رمى الجوال عالطاوله وتقلب حتى نام*
•
غيد : *الصباح جالس بالكافتيريا يذاكر*
ريبال : بطلع اتمشى بعد الاختبار تجي معاي؟
غيد : والله انك فاضي برجع البيت ارتاح واكمل مذاكرة للإختبار
ريبال : مقطع نفسك عالفاضي
غيد : حبيبي انجح واتخرج لأني ابي مستقبل بمجهودي مابعتمد على غيري
ريبال : *ضحك ووقف* قوم قوم صارت 8 ونص
غيد : *قفل كتابه وراح يختبر بعد ساعتين طلع من القاعة* اوووفف صعب صعب انت كيف خلصت بدري؟
ريبال : حليت اي كلام ومشيت مابي اطول وانا عارف النتيجه *التفت وهو يمشي وضحك بإستهزاء* هذا النفسيه مداوم
غيد : *ناظر ولمح جَدن واقف ينتظر بالممر الخارجي* ماتوقعته بيداوم !
ريبال : *مر جنبه ويناظره من فوق لتحت*
جَدن : *انتبه لنظراته وخزه بحيث تعقيدة حاجبه واضحه من فوق النظارة*
ريبال : كأنه يخز ؟
غيد : واذا خز شعلينا ؟ امشِ بالله نطلع
ريبال : *وقف على جنب ويخزه* مضيع شي؟
جَدن : استغفر الله *هز راسه وتجاهله*
غيد : *سحب ريبال من ذراعه* تعال ياخِ وش فيك اليوم
ريبال : فك يدي *بعد يده ووقف قدام جَدن يناظره بإستحقار* وش مفكر نفسك انت ونظراتك هذي ؟
•
•
