(سلاح التوأم)...

Part 3 (#حب_جديد)...

✨مغامرة جديدة من مغامراتي نخوضها معاً في أحداث مشوقة و مرعبه تحبس الأنفاس و خيالية واذا تشابهت مع الواقع فإنها من سبيل الصدفة...

من قصة (سلاح التوأم)....

#الكاتبة_نمارق_الاسدي

#الكاتبة_نمارق_ميثم

#الكاتبة_N

الحب روح بتلبسنا و نبطل وقتها نكون اشخاص 🎶✨...
أدهم النابلسي..

==============================

Part 3

عنوان البارت: (# حب_جديد)...

أمينة...

من بعد ما رجع صوتي الي بدأت احجي على كيفي يعني اتئتء لذلك هواي يتنمرون عليه بسبب هذه الصفه بيه وخصوصاً من تسجلت بالمدرسة ويه آمنة لكن هي سابقتني بسنة و على هذا الأساس عمو عدنان قرر يدخلني مدرسه خاصة تفرق عن مدرسة آمنة...

بالمدرسة من شافوا انو اني ذكية و مستويه اعلى من الطلاب الي ويايه دخلوني اختبار القدرات العقلية و جتازيته بنجاح باهر لذلك صعدوني سنه صرنا اني وآمنة نفس المرحلة لكن هي بمدرسة واني بمدرستي الخاصة فضلت انو ابقى بيها حتى اخلص من التنمر لان كان جداً مو طبيعي بالمدارس العاديه...

لكن ما عفت الدكتورة مالتي لو هي تجي تزورنا بالبيت ويه عمو لو اني اروح الها و كمت احس نفسي بدأت اتحسن لكن طبعي الهادئ كان موجود سابقاً بس هسه وصل مرحلة العزله لكن عمو و آمنة ما اكدر افترق هواي عنهم حتى ساعات الدوام بالمدرسة احسبهم علمود ارجع للبيت...

اليوم خلصت الدوام رجعت للبيت بالباص الخاص بالمدرسة.. بهل أثناء نزلت آمنة من الباص مالتها اجتي حظنتني...
دخلنا للبيت سويه لكينا عمو و الدكتورة مالتي اسمها ليزا..
أمنية و آمنة: سلام عمو..

عدنان: هله بقلب وروح عمهم تعالوا عمو تعالوا اليوم عزمت الدكتورة ليزا على الغده ويانا اريد اضوكها طبخاتي هههه...

آمنة: سلام..

أمينة: سسللام...

ليزا: كيف حالكم يافتيات...

آمنة: الحمدلله...

أمينة.. اكتفيت بس بابتسامة..

صعدنا لغرفتنا اني وآمنة بدلنا ملابسنا شفت آمنة لابسه مالتي التشيرت عطت بيها..

أمينة: انننت لييش لابسسسة تشيرتتي؟؟..

آمنة: مالتي وصخ و اخذت مالتج...

أمينة بغضب: ماااا لييش مااا كلتتي هااا...

آمنة: يوووو امينة لطوخيها معندي غير تشيرتج البس..

امينة بغضب: يطططبج وجعع انييي شكككو..

آمنة: ماااا كيفي الا البسة..