✨مغامرة جديدة من مغامراتي نخوضها معاً في أحداث مشوقة و مرعبه تحبس الأنفاس و خيالية واذا تشابهت مع الواقع فإنها من سبيل الصدفة...
من قصة (سلاح التوأم)...
#الكاتبة_نمارق_الاسدي
#الكاتبة_نمارق_ميثم
#الكاتبة_N
ليتنا نعود يوماً كالاطفال...
نلعب انا و انتِ في ساحة بيتنا مع ابي...
كم اتشوق ان اعود الى جمال و صفاء قلبينا انا و انتِ...
اشتقت لكِ يا حبيبة اختكِ..
#آمنة
===============================
Part 32
عنوان البارت: #البحث_عن_المجرمين...
آمنة...
بقيت ويه عمو بالبيت نمنا و رجعنا للمركز اني و عمو الصبح وصلنا لهناك و مخبوصين إسعاف و صايره هوسه شفت محمد ركضت عليه...
آمنة: شنو صاير محمد ليش هذه الإسعاف...
محمد: رنا تخربطت و هسه رح ناخذها للمستشفى...
آمنة: جايه وياك...
محمد: اففف هذه خطيبتي دا دك عليه ما اكدر اجاوبها رح اغلق الفون و انتي لتجين باشق كال بس اني اروح ويه واحد من العناصر...
آمنة: اني بنية يجوز رح تحتاجني...
محمد: اهوو آمنة مالي خلك باشق...
آمنة: مالك دخل امشي...
رحت وياه بالسيارة و عمو بقى بالمركز ويه باشق ميدري اني رحت ويه محمد تصرفات باشق المتحكمة دتضوجني كلش و تستفزني...
وصلنا للمستشفى و اخذوها الطوارئ كانت لازمة بطنها و تبجي متألمة...
ضلينا ننتظرها لان حولوها عمليات و محمد رايح راد قلقني فوك ما اني قلقة و باشق اتصل عليه بس ما رديت يمكن خمس مرات اتصل و اني ما ارد و محمد غالق تليفونه...
تقريباً ساعة يله طلعت الدكتورة ركضنا الها اني و محمد وجها مايبشر بخير...
الطبيبة: للأسف فقدنا الجنين...
آمنة (بصدمة): حامل؟؟...
الطبيبة: اي و تقريباً عليها شهرين و نص بس متعرضة لأمور هوااي أذتها بحيث مات الجنين...
محمد: هي مابيها شيء؟؟..
الطبيبة: لحكنا عليها بسرعة لو متأخرين يوم ثاني جان تسممت و ماتت لان الطفل ميت ببطنها و من طلعنا بداي يضمحل و منطيها جرعة كبيرة من دوة قتل الطفل و بسرعة مات...
آمنة: هسه شلونها...
الطبيبة: حطينا الها دم و هسه بالعناية المركزة لحد ما تصحى من البنج و تستقر حالتها...
آمنة: شكراً دكتورة...
محمد عافني و راح ما اردي وين اني ضليت مصدومة على نذالة شخص مثل ابو مهدي واصل مرحلة من الطغيان هم زين مات الطفل لو جاي للدنيا كان صار طفل منبوذ...
محد قاهرني غير رنا طفلة و معاشت حياتها الله ينتقم منك ابو صخام على كوله باشق يمكن لو الزمة و اشبعة كتل ما يبرد قلبي بي...
اجه محمد وجه احمر مبين باجي عرفته هو ميتحمل هيج أمور كعد بصفي و فتح تليفونه و شفته ديكتب لخطيبته رسالة...
اتصل عليه باشق و هو عاين عليه سحبت التليفون منه و فتحت الخط على باشق اجاني صوره الي يرعد...
أنت تقرأ
(سلاح التوأم)...
Romanceسلاح التوأم... منذ ذلك اليوم قَطعنا عهداً على أنفسنا بأن ننتقم من قَتَلتْ أَبينا... . . . قصة (سلاح التوأم)... بقلمي انا الكاتبة نمارق ميثم #الكاتبة_نمارق_الاسدي #الكاتبة_نمارق_ميثم #الكاتبة_N تنويه🚫: القصة من وحي الخيال ولا تمد للواقع بصلة وان كان...
