(سلاح التوأم)...

Part 53_2 (#بحث_جديد)...

✨مغامرة جديدة من مغامراتي نخوضها معاً في أحداث مشوقة و مرعبه تحبس الأنفاس و خيالية واذا تشابهت مع الواقع فإنها من سبيل الصدفة...

من قصة (سلاح التوأم)...

#الكاتبة_نمارق_الاسدي

#الكاتبة_نمارق_ميثم

#الكاتبة_N

سأبحث عنك و عني حتى يظهر اننا على حق✨...

================================

Part 53_2

عنوان البارت: #بحث_جديد ...

أمينة...

بعد اخر موقف بيني و بين ضيف الله صار قليل تواجده بالبيت و هذا الشيء الي ضوجني اكثر منه ما اعرف شنو افسر تصرفاته هل عنده مشاعر اتجاهي او لا بس تصرفه ويايه يدل على مشاعره اتجاهي...

كل ما انتظره لو اني اغفه لو ما احس عليه من يجي للبيت لحد ما بيوم كعدت انتظره بغرفته طكت روحي اريد افهم شنو معنى تصرفاته...
كاعده و احس روحي متوترة و قلبي يدك سريع مع العلم هو ما موجود...

شويه و انفتح باب الغرفه هو اجه صارت عينه بعيوني عيونه تعبانه تفسر نفسها بنفسها بالتعب الموجود عليه و عليها...
أمينة: شبيك ضيف..
ضيف الله: شنو الي تردي أمينة...
أمينة: بعد كلامي الي كلته سابقاً دتسئلني شنو اريددد...
ضيف الله: أمينة ما رح اجاوبج على اي شيء لان ما اكدر اكو شيء اذا ما اسوي اني وياج الي رح نخسر..
أمينة: ضيف اذا ضليت هيج ويايه انت الي رح تخسرني...
ضيف الله(بغضب): داا اكلجج اكوو شيء ما اكدر ماسوي...
أمينة: هاهي...

درت وجهي منه و طلعت و اني احس دموعي تنزل على وجناتي مسحتهن و دخلت لغرفتي نمت بدون ما افكر ما اريد افكر...

ضلينا تقريباً يومين على نفس الحاله لا هو يحجي ولا اني احجي لحد ما اسوري صعدت حرارته كلش اني انهبطت عليه ركضت اله للمكتب...
أمينة(بخوف): ضيف اسوي متخربط و حرارته عاليه خل ناخذه للمستشفى...
ضيف الله: يله بسرعة...

أمينة... اخذنا للمستشفى و عيوني ما هدئت من البجي وصلنا لهناك حولوا على الطوارئ و فحص سريع و سحبوا دم و شكلوا اله مغذي بايده العنونه صار بيها كنيولا...
ضليت كاعده يم راسه و اقرأ قران السور الي حافظتهن...

اجه الطبيب و بيده التحاليل...
الطبيب: لتخافون مابي شيء بس صار عنده استبراد قوي و ارتفعت حرارته...
أمينة: الحمد لله يعني ماكو شيء...
الطبيب: لا ماكو شيء عيني و هذه الادويه الي رح تحتاجوها...

أمينة.. دينطيني الطبيب الي الراجيته مال الدوة اجه ضيف الله و سحبها من ايده بابتسامة مدري شلونها بحيث الطبيب انطاها و راح...
ضيف الله: شبيج فهيتي على الطبيب...
أمينة: شجاك شهل الكلام...
ضيف الله: لعد و اسلوبج و سوالفج شنو معناها...
أمينة: اسلوبي هادي مابي شيء ويه الكل اني هيج..
ضيف الله: لعد من هسه حاولي تتعلمين تغيري لان أغار...