✨مغامرة جديدة من مغامراتي نخوضها معاً في أحداث مشوقة و مرعبه تحبس الأنفاس و خيالية واذا تشابهت مع الواقع فإنها من سبيل الصدفة...
من قصة (سلاح التوأم)...
#الكاتبة_نمارق_الاسدي
#الكاتبة_نمارق_ميثم
#الكاتبة_N
الحرب لي✨...
انا من سأفوز✨💕...
#أمينة..
================================
Part 25
عنوان البارت: #سأبحث...
أمينة...
اكو شي بداخلي ما قنعني بكلام هذا الحارس و اكو شي ثاني يكلي يجوز كلامه صحيح هنوب اني ما اثق بهذه السكرتيرة ساره منا لباب الشركة...
كلت ارجع للبيت و افهم شنو صاير من السماعات اكيد اكو شيء مخفي بس شنووو مادري...
رجعت للبيت و سولفت لآمنة نسيت فقرة السماعات و شفنا الكاميرات اكو شيء بداخلي انعصر عصر و اكو شيء بداخلي اقوى خلاني اكمل الي بديت بي...
رحت للشركة الصبح كلش كنت عادية و طبيعية حتى ما ابين شيء عندي..
بلشت بالشغل و كالعادة رياض و ضياء الدين ماكو..
رحت لغرفة الحرس و لكيت الحارس الي حجيت وياه صحت اله اخذته على جهه...
أمينة: مصار شيء جديد؟..
الحارس: لا ست أمينة بس البارحة هم اجويه...
أمينة: و شنو صار...
الحارس: ما سمعت زين...
أمينة.. طلعت الفلوس من جنطتي: وهسه سمعت لو لا...
الحارس: احممم بعد يومين عدهم تسليم ببيت استاذ ضياء الدين..
أمينة: خوش...
عفته ورحت عرفته آمنة انسان يجي بالرشاوي رجعت للمكتب مالتي و كملت شغلي و بس وصلت للبيت سولفت لآمنة...
أمينة: هااا الخطة الجايه شنوو...
آمنة: عندي ٤٢ ساعة افكر بخطة جهنميه...
أمينة: اوك...
آمنة: بس هااا لازم داومين و تبينين الوضع طبيعي...
أمينة: اوك...
صار ثاني يوم رحت للشركة الوضع مشيته طبيعي بس حماية اكو هواي بباب الشركة من دخلت لكيت ضياء الدين و رياض موجودين عرفت هذه الحمايه الهم...
بس رياض يتعامل ويايه بسطحية ما اعرف شبي ما خليت بالي يمه كلت يجوز متعارك ويه تكتم اما ضياء الدين مو هو بس يضحك و يشاقة ويه الكل كأنما تبادلوا بالادوار ضياء و رياض...
رياض مطنكر و ضياء الدين بس يشاقة ويضحك ما تحملت سئلت ضياء الدين...
أمينة: احس متبادلين بالادوار انت و رياض؟..
ضياء الدين: هههه ليش...
أمينة: انت تضحك و هو مطنكر...
ضياء الدين: ليش يعني اني جنت مطنكر...
أمينة: ايي على طول معبس...
ضياء الدين: خوش لعد رح ارجع اعبس ست امينة...
أمينة: لا يابه لا خليك هيج ههه..
ضياء الدين: ههه مثل ما تردين...
أمينة: اي هيج احلى اقصد احسن...
ضياء الدين: هههههه شكراً...
أمينة.. عفته ورجعت لغرفتي مصدك روحه ابو طنكورة طلعوا من وقت من الشركة اثنينهم افففف شنو ديحوكون اني ليش مدا افهم شنو الي ديصير كأنما انثولت اني ميصعب عليه شيء كل شيء احله بالالغاز هذولة الاثنين ديلعبون بعقلي لعب...
تذكرت ابو مهدي كلت بلكي يكدر يساعدني ولو هو هم شرد مادري وين راح...
اتصلت مرتين يطلع الجهاز مغلق عفته رجعت للبيت...
سولفت لآمنة..
اكلت و شافت فلم بعدها صفنت هذه مراحل تكوين افكار بعقل آمنة الثولة افففف منها...
كأنما مراحل تكوين كائن جديد اني كاعده على اعصابي و هذه تاكل و تشوف فلم و تبجي وياهم و اني خراعة خضرة شمرت عليها طاسة الحب...
أمينة: يا حقيييرة حسييي ولج فهميني شنو الخطة الجديدة؟؟؟...
آمنة: اوووي شجاج ولج شبيج خبلة...
أمينة: ولج مو كلتي افكر بخطة وينها...
آمنة: ما خلصت ٤٢ ساعة...
أمينة: من خلصت روحج كولي آمين...
آمنة: لعدويني ان شاء الله...
أمينة: يله احجي الخطة المصخمة مثلج...
آمنة: نهجم عليهم..
أمينة: شلون يعني؟؟..
آمنة: نقتحمهم هههه...
أمينة: قصدج نروح لبيت ضياء الدين...
آمنة: عليج نور...
أمينة.. عفتها و رحت لغرفتي افكر بالخطة بعدين تذكرت السماعات طلعت من غرفتي ركض فتحت الابتوب و شغلت السماعات الموجودة بالمكتب مال ضياء الدين...
فتحت الصوت و أشرت لآمنة تجي...
ضياء الدين: شباب تبلش الخطة بعد يومين تحضروا...
....: استاذ وين الملتقى...
ضياء الدين: بييتي.. تعالوا بغرفة الاجتماع احجي وياكم...
أمينة... راح الصوت و اعيد بيهن و مشيت رجعت للصوت السابق نفس الكلام يدور و يروح الصوت اني و آمنة ضلينا وحده صافنه بوجه الخ....
أنت تقرأ
(سلاح التوأم)...
Romanceسلاح التوأم... منذ ذلك اليوم قَطعنا عهداً على أنفسنا بأن ننتقم من قَتَلتْ أَبينا... . . . قصة (سلاح التوأم)... بقلمي انا الكاتبة نمارق ميثم #الكاتبة_نمارق_الاسدي #الكاتبة_نمارق_ميثم #الكاتبة_N تنويه🚫: القصة من وحي الخيال ولا تمد للواقع بصلة وان كان...
