✨مغامرة جديدة من مغامراتي نخوضها معاً في أحداث مشوقة و مرعبه تحبس الأنفاس و خيالية واذا تشابهت مع الواقع فإنها من سبيل الصدفة...
من قصة (سلاح التوأم)...
#الكاتبة_نمارق_الاسدي
#الكاتبة_نمارق_ميثم
#الكاتبة_N
اشبكت يدي بيدك...
و روحي تعلقت بك...
لكن قلبي لا اعلم حاله...
#أمينة...
===============================
Part 45_2
عنوان البارت: #زفاف..
رياض: المحامي كال انو يكدر الطفل يعيش وياهم سويه اذا تزوجوا يعني قصدي ليش ما ضيف الله و أمينة يتزوجون اذا همه اثنينهم يردون الطفل و هم امه دري و هم عمه موجود و يشوفه كل يوم....
أمينة... كنت ساكته و الانظار كلها تحولت لاتجاهي و ينتظرون رده فعلي على كلام رياض لكن اني مكدرت احجي شيء من ناحيه كلامه صح و من ناحيه اخرى افكر بضياء الدين ما مفكرة بحياتي كلها اعيش ويه رجال غير الي حبيته و تحديداً شخصية ضيف الله مستفزه بالنسبه الي...
رياض: شنو رأيكم بكلامي مو صحيح؟؟...
صمد: صح كلامك بس يبقى رأي الاول و الاخير لامينة لان هي امه و اكيد رح تفكر بالشيء لصالح ابنها و نفسها...
أمينة.. عاينت عليهم واحد واحد: عاشت ايدكم اللمة حلوه اني اروح ابني ينتظرني...
كمت اريد اطلع اجه ورايه رياض...
رياض: أمينة اني اعتذر لان دخلت بموضوعكم و اعرف مشاعرج ما بردت لحد هسه اتجاه ضياء الدين الله يرحمه بس لازم الحياة تستمر هاي اولاً و ثانياً ابنج خطيه ينمرد بينج و بين هذا الخبل الي اسمه عمه اسئليني عنه اني اعرفه شلون خبل...
أمينة... دا اريد احجي و اجه ضيف الله...
ضيف الله: امشي اوصلج ويايه اني هم رح اروح...
أمينة: شكراً ما اريد هسه اخذ تكسي...
ضيف الله(بنترة): شنوو تكسي امشي و انتي ساكته...
أمينة: احجي ويايه بأسلوب ارقى من هيج...
ضيف الله: تردين احجي وياج بأسلوب راقي و انتي دورين تكاسي...
أمينة: ما اصعد ويه الغربه...
ضيف الله: هااا و تكسي مو غريب بس عم ابنج غريب موو..
رياض: يااا كولوا يا الله شبيكم أمينة روحي ويه ضيف و عوفي سالفه التكسي...
أمينة.. زفرت انفاسي و طلعت وراه صعدت بالسيارة هو ساكت و اني هم ساكته مالي خلك اتناقش فجأة اخذ بريك قوي و وكف السياره درت وجهي عليه و اني اريد ارزله حجه..
ضيف الله: شوفي اني فكرت بالموضوع و شفت حل رياض انسب شيء احسن مما نضل نتعارك على الطفل...
أمينة: و انت تقرر نيابة عني؟..
ضيف الله: اني مقررت نيابة عنج بس اني ادري اني وياج رح نضل نتعارك و نطاحن على الطفل و هو الخطيه و بالمقابل يكون زواجنا على ورق فقط..
أمينة.. ضليت ساكته و دا اشوف صح كلامه و مدام طلعت منه سالفه زواج على الورق بعد احسن جاوبته: لعد انطيني مهله افكر و احجي ويه اهلي...
أنت تقرأ
(سلاح التوأم)...
Romantikسلاح التوأم... منذ ذلك اليوم قَطعنا عهداً على أنفسنا بأن ننتقم من قَتَلتْ أَبينا... . . . قصة (سلاح التوأم)... بقلمي انا الكاتبة نمارق ميثم #الكاتبة_نمارق_الاسدي #الكاتبة_نمارق_ميثم #الكاتبة_N تنويه🚫: القصة من وحي الخيال ولا تمد للواقع بصلة وان كان...
